Aaj News

جمعہ, مارچ 29, 2024  
18 Ramadan 1445  

جنید خان بھی پاکستان چھوڑ کر امریکا جارہے ہیں؟

پاکستان کے بائیں ہاتھ سے تیز گیند کرنے والے بولر جنید خان سے...
شائع 09 جنوری 2021 11:00pm

پاکستان کے بائیں ہاتھ سے تیز گیند کرنے والے بولر جنید خان سے متعلق آج صبح سے ہی سوشل میڈیا پر یہ خبریں گردش کررہی ہیں کہ وہ پاکستان کرکٹ بورڈ کی جانب سے جاری "امتیازی سلوک" کی وجہ سے سمیع اسلم کی طرح امریکا منتقل ہونے والے ہیں۔

صحافی شعیب جٹ کی جانب سے اپنی ٹویٹ میں کہا گیا تھا کہ جنید خان پاکستان کو چھوڑنے پر غور کررہے ہیں اور اس معاملے پر اپنے قریبی لوگوں سے مشاورت کررہے ہیں۔ ٹویٹ میں مزید کہا گیا تھا کہ جنید کو امریکا اور یوکے سے کمرشلز کی آفرز ہیں اور وہ کوئی بڑا قدم اُٹھانے سے قبل کل پاکستان کرکٹ بورڈ کے ایک اعلیٰ عہدیدار سے ملاقات کریں گے۔

یہ ٹویٹ سامنے آیا تو کرکٹ حلقوں اور جنید خان کے مداحوں میں ہلچل مچ گئی تھی تاہم فاسٹ بولر نے اب سے کچھ دیر قبل ایک ٹویٹ کی ہے جس سے واضح ہوتا ہے کہ وہ وطنِ عزیز کو چھوڑ کر کہیں بھی نہیں جارہے ہیں۔

جنید خان نے ٹویٹ میں "دل دل پاکستان، جان جان پاکستان" لکھا ہے جو اس جانب اشارہ ہے کہ وہ پاکستان کو چھوڑ کر کہیں جانے کا ارادہ نہیں رکھتے ہیں۔

cricket

Fast Bowler

Comments are closed on this story.

تبصرے

تبولا

Taboola ads will show in this div