Aaj TV News

BR100 4,599 Increased By ▲ 13 (0.29%)
BR30 17,334 Decreased By ▼ -78 (-0.45%)
KSE100 44,888 Decreased By ▼ -36 (-0.08%)
KSE30 17,696 Decreased By ▼ -30 (-0.17%)
COVID-19 TOTAL DAILY
CASES 1,381,152 6,357
DEATHS 29,122 17
Sindh 529,218 Cases
Punjab 466,164 Cases
Balochistan 33,975 Cases
Islamabad 120,128 Cases
KP 185,683 Cases

لاہور: قومی ٹیم کے ہیڈ کوچ مصباح الحق اور بولنگ کوچ وقار یونس کی چھٹی کا معاملہ وقتی طور پر ٹل گیا۔ کرکٹ کمیٹی نے ٹیم پرفارمنس پر عدم اطمینان کا اظہار لیکن 2 کوچز کو ایڈوانٹیج دے دیا۔ کمیٹی کے سربراہ سلیم یوسف کہتے ہیں جنوبی افریقہ سیریز کے بعد دوبارہ جائزہ لیا جائے گا۔

کورونا اور نا تجربہ کاری کی وجہ سے کارکردگی پر فرق پڑا، کرکٹ کمیٹی نے عدم اطمینان کا اظہار تو کیا لیکن مصباح اور وقار کو ایک اور موقع مل گیا۔

لاہور میں کرکٹ کمیٹی کا اجلاس ہوا جہاں کوچز پر سوالات کی بوچھاڑ کی گئی۔ مصباح اور وقار نے صفائیاں دیں تو کمیٹی نے کھلاڑیوں کی سلیکشن پر بھی سوال اٹھا دیا تاہم فی الحال ٹیم منیجمنٹ کو سپورٹ کرنے کی حمایت بھی کردی۔

سربراہ کرکٹ کمیٹی سلیم یوسف نے کہا کہ پرفارمنس اچھی نہیں لیکن ایڈوانٹیج دیا، دوبارہ ریویو کریں گے۔

کمیٹی نے منیجمنٹ سے پلان اور اہداف پر مکمل وضاحت طلب کرلی اور واضح کیا کہ جنوبی افریقہ کے خلاف ہوم سیریز میں شکست کا کوئی جواز نہیں بنتا۔ کمیٹی کی دو ٹوک وضاحت پر قیاس کیا جارہا ہے کہ اگر قومی ٹیم پروٹیز کیخلاف اچھی کارکردگی نہ دکھا سکی تو یقیناً مصباح اور وقار کو اپنی کرسیوں سے ہاتھ دھونے پڑ جائیں گے۔