Aaj TV News

BR100 4,910 Increased By ▲ 27 (0.55%)
BR30 25,363 Increased By ▲ 243 (0.97%)
KSE100 46,287 Increased By ▲ 200 (0.43%)
KSE30 19,259 Increased By ▲ 93 (0.49%)

لاہور :احتساب عدالت نے منی لانڈرنگ کیس میں گرفتار مسلم لیگ (ن)کے صدر شہباز شریف کی میڈیکل بورڈ کی درخواست پر وکلاء سے دلائل طلب کرلئے۔

لاہور کی احتساب عدالت کے جج جواد الحسن نے شہباز شریف کی میڈیکل بورڈ کی درخواست پر سماعت کی۔

عدالت نے بتایا کہ میڈیکل بورڈ تشکیل دیا جا چکا ہے، آپ اپنی پسند کے 2 ڈاکٹروں کو شامل کروانا چاہتے ہیں۔

نیب حکام نے اپنا جواب جمع کرواتے ہوئے بتایا کہ عدالت میڈیکل بورڈ کے حوالے سے جو حکم دے گی اس پر عمل کیا جائے گا،عدالت نے کیس کی سماعت 16 جنوری تک ملتوی کر دی۔

شہباز شریف کی جانب سے دائر درخواست میں مؤقف اختیار کیا گیا تھا کہ جیل میں طبی معائنے کیلئے میڈیکل بورڈ تشکیل دیا جائے جس میں ذاتی معالج کو بھی شامل کرنے کا حکم دیا جائے۔