Aaj.tv Logo

وفاقی وزیرداخلہ شیخ رشید احمد کا کہنا ہے کہ عمران خان نے واضح کردیا ہے کہ نوازشریف کے پاسپورٹ کی تجدید نہیں کی جائیگی۔حکومت کو پی ڈی ایم سے کوئی خطرہ نہیں، مولانا جس اسمبلی پر لعنت بھیجتے تھے،اسی کے انتخابات میں حصہ لے رہے ہیں۔

لاہور میں نادرا آفس کے دورہ کے موقع پر میڈیا سے گفتگو کرتے ہوئے شیخ رشید احمد کا کہنا تھا کہ پی ڈی ایم کو الیکشن کمیشن کے سامنے احتجاج کا فری ہینڈ دے دیا ہے، حکومت کو اپوزیشن سے کوئی خطرہ نہیں۔ شیخ رشید احمد نے بتایا کہ وزیراعظم نے واضح کردیا ہے کہ نواز شریف کے پاسپورٹ کی تجدید نہیں کی جائیگی۔

وفاقی وزیرکا کہنا تھا کہ مولانا صاحب جس اسمبلی پر لعنت بھیجتے تھے،اسی اسمبلی کے انتخابات میں حصہ لے رہے ہیں۔

شیخ رشید نے بتایا کہ اسلام آباد میں پانچ سے ساٹھ مدارس میں سے ستانوے رجسٹرڈ ہیں۔باقی پر کام جاری ہے۔انہوں نے دعوٰی کیا کہ وہ سو روز میں ایف آئی اے کو درست کردیں گے۔