Aaj News

پاک بحریہ کا جہاز پی این ایس نَصر افریقی ممالک کے دورے پر روانہ

اسلام آباد:پاک بحریہ کا جہاز پی این ایس نَصر انسانی ہمدردی کے ...
شائع 17 جنوری 2021 12:48pm

اسلام آباد:پاک بحریہ کا جہاز پی این ایس نَصر انسانی ہمدردی کے مشن کی تکمیل کے سلسلے میں مختلف افریقی ممالک کے دورے پر روانہ ہو گیا ۔

پاک بحریہ کا جہاز سیلاب اور خشک سالی سے متاثرہ افریقی ممالک کی عوام کو اشیائے خورد و نوش پر مشتمل امدادی سامان فراہم کرے گا۔

اس دورے کے دوران پی این ایس نَصر جبوتی ، سوڈان اور نائیجر میں امداد کی فراہمی کے ساتھ ساتھ کینیا کا خیر سگالی دورہ بھی کرے گا۔

ترجمان پاک بحریہ کا کہنا ہے کہ اس دورے کا مقصد حکومتی پالیسی کے تحت افریقی ممالک کے ساتھ دوطرفہ تعلقات کا فروغ اور باہمی تعاون کی نئی راہیں تلاش کرنا ہے۔

Pakistan Navy

اسلام آباد

Ship

African Countries

Comments are closed on this story.

مقبول ترین