Aaj TV News

BR100 4,401 Decreased By ▼ -270 (-5.78%)
BR30 17,494 Decreased By ▼ -1340 (-7.12%)
KSE100 43,234 Decreased By ▼ -2135 (-4.71%)
KSE30 16,698 Decreased By ▼ -878 (-4.99%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

اسلام آباد:پاک فضائیہ کاخصوصی طیارہ کوروناویکسین لے کراسلام آباد پہنچ گیا ،پہلی کھیپ خصوصی طیارے کے ذریعے نورخان ایئربیس پر پہنچی،معاون خصوصی فیصل سلطان نے ویکسین وصول کی۔

طویل انتظار ختم ہونے کے بعد ہم وطنوں کیلئے بڑی خوشخبری آگئی،انسداد کورونا ویکسین پاکستان پہنچ گئی ،نورخان ایئربیس پرخصوصی طیارہ لینڈ کر گیا۔

پاکستان ایئرفورس کا آئی ایل 78خصوصی طیارہ چین کے دارالحکومت بیجنگ سے انسداد کورونا ویکسین کا پہلا بیج لےکر اسلام آباد پہنچ گیا۔

چین کی جانب سے فراہم کی جانے والی کورونا ویکسین کی 5لاکھ خوراکیں خصوصی طیارے کے ذریعے نور خان ایئربیس پہنچی،معاون خصوصی فیصل سلطان نے ایئرپورٹ پر کورونا ویکسین وصول کیں۔

کورونا ویکسین چینی وزیراعظم کی جانب سے عطیہ کی گئی ہے،پہلےمرحلےمیں ہیلتھ پروفیشنل کوویکسین لگائی جائے گی،ملک بھرمیں کورونا کی ویکسینیشن کیلئے انتظامات مکمل کرلئے گئے ہیں۔

نیشنل کمانڈ آینڈ آپریشن سینٹر کے ویکسین لگانے کیلئے ایک انتہائی جامعہ پلان مرتب کیا ہے،نمزکے تحت نیشنل ویکسین ایڈمنسٹریشن اینڈ کوآرڈینشن سیل قائم کیا گیا ہے جو صوبائی اور ضلعی ویکسینیشن انتظامیہ ،کوآرڈینیشن اور ویکسین سینٹر کو ویکسین فراہم کریں گے۔

معاون خصوصی صحت ڈاکٹر فیصل سلطان نے فرنٹ لائن ورکرز کو سلام پیش کرتے ہوئے کہاکہ سب سے پہلے ویکسین ہراول دستے کو لگائی جائے گی۔

واضح رہے کہ کورونا ویکسین لانے کیلئے گزشتہ روزپاک فضائیہ کا خصوصی طیارہ نورخان ایئربیس سے چین کے دارالحکومت بیجنگ کیلئے روانہ ہوا تھا۔

بطور تحفہ کوروناویکسین کی5لاکھ خوراکیں دینے پر چین کے شکر گزار ہیں،وزیرخارجہ

اسلام آباد:وزیرخارجہ شاہ محمودقریشی نے کہا ہے کہ چین نے بطورتحفہ کورونا ویکسین کی 5لاکھ خوراکیں پاکستان کو دی ہیں،جس پر چینی حکومت کے بے حد شکرگزارہیں،مزید گیارہ لاکھ ڈوز جلد وطن آجائیں گی۔

وزیرخارجہ شاہ محمودقریشی نے آج نیوز سےگفتگو کرتے ہوئے کہا کہ چین نےبطورتحفہ کورونا ویکسین کی 5لاکھ خوراکیں پاکستان بھیجی ہیں،ویکسین کیلئے چین کے بےحد شکرگزارہیں،پہلےمرحلےمیں ہیلتھ آفیشلزکوویکسین لگائی جائے گی،فروری میں مزید 11لاکھ خوراکیں موصول ہوجائیں گی۔

شاہ محمود قریشی نے مزید کہا کہ شفاف اندازمیں عوام کوویکسین کی رسائی یقینی بنائیں گے،ویکسینیشن کا مکمل ڈیٹامرتب کیاجائےگا،وزارت صحت ویکسینیشن کا طریقہ کارمرتب کررہی ہے۔