Aaj TV News

BR100 5,205 Decreased By ▼ -24 (-0.45%)
BR30 26,756 Decreased By ▼ -198 (-0.74%)
KSE100 47,793 Decreased By ▼ -80 (-0.17%)
KSE30 19,161 Decreased By ▼ -32 (-0.17%)
COVID-19 TOTAL DAILY
CASES 1,004,694 2,819
DEATHS 23,016 45
Sindh 364,784 Cases
Punjab 352,682 Cases
Balochistan 29,494 Cases
Islamabad 85,519 Cases
KP 141,627 Cases

لاہور قلندرز کے ہاتھوں کوئٹہ گلیڈی ایٹرز کی شکست کے بعد سامنے آنے والی ایک ویڈیو نے سوشل میڈیا پر بحث چھیڑ دی ہے۔

ویڈیو میں دکھایا گیا ہے کہ میچ کے اختتام کے بعد جب دونوں ٹیموں کے کھلاڑی ایک دوسرے سے مصافحہ کرنے میں مصروف تھے، تب سرفراز احمد کھلاڑیوں کی جانب آئے تاہم انہوں نے لاہور قلندرز کے محمد حفیظ سے مصافحہ نہ کیا۔

اس ویڈیو کے بعد سرفراز احمد کو خاصی تنقید کا نشانہ بنایا جا رہا ہے۔ تاہم کچھ شائقین کرکٹ کا موقف ہے کہ اس معاملے کو جان بوجھ کر ایک تنازعے کی شکل دینے کی کوشش کی جا رہی ہے۔

ویڈیو میں دیکھ کر ایسا لگتا ہے کہ محمد حفیظ اور سرفراز احمد ایک دوسرے کو دیکھ ہی نہیں پائے، اسی لیے وہ مصافحہ نہ کر سکے۔

جبکہ جب تمام کھلاڑیوں نے ایک دوسرے سے مصافحہ کر لیا، تو اس کے بعد میدان سے باہر جاتے ہوئے سرفراز احمد نے محمد حفیظ کو عزت دینے کی کوشش کی اور انہیں میدان سے باہر جاتے ہوئے کھلاڑیوں کو لیڈ کرنے کا کہا۔

واضح رہے کہ پاکستان سپرلیگ (پی ایس ایل) سیزن 6 کے تیسرے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دی۔ نیشنل سٹیڈیم کراچی میں کھیلے جا رہے پی ایس ایل 6 کے تیسرے روز 179 رنز کے ہدف کے تعاقب میں لاہور قلندرز نے فخر زمان اور محمد حفیظ کی شاندار بلے بازی کے باعث کوئٹہ کی ٹیم کو باآسانی زیر کر لیا۔

فخر زمان کی جانب سے 82 جبکہ محمد حفیظ کی جانب سے 73 رنز کی شاندار اور ناقابل شکست اننگ کھیلی گئی۔ اس فتح کے بعد لاہور قلندرز پوائنٹ ٹیبل پر پہلے جبکہ کوئٹہ گلیڈی ایٹرز سب سے آخری نمبر پر چلی گئی۔ لاہور قلندرز نے اب تک کھیلے گئے اپنے دونوں میچز میں فتح حاصل کی ہے۔