Aaj.tv Logo

لاہور میں ضلعی انتظامیہ کا کورونا ایس او پیز کی خلاف ورزی پر کریک ڈاؤن جاری ہے، مجموعی طور پر 15 دکانیں، اسٹورز،میرج ہالز اور تھیٹرز سیل جبکہ 11 دکانوں کو جرمانے عائد کئے گئے۔

لاہور میں کورونا ایس او پیزپر عملدرآمد کروانے کیلئے ضلعی انتظامیہ کی کاروائیاں جاری ہیں،کورونا ایس او پیز کی خلاف ورزی پر اسسٹنٹ کمشنر سٹی نے 04 ریسٹورنٹس اور 03 دکانوں کو سیل کردیا۔

اسسٹنٹ کمشنر شالیمار نے 6دکانوں کو سیل جبکہ 11 دکانیں اور اسٹورز کو 01 لاکھ 13 ہزار 500 روپے کے جرمانے عائد کردئیے۔

دوسری جانب کمشنر اسپیشل اسکواڈ نے کارروائی کرتے ہوئے الفلاح تھیٹر اور تماثیل تھیٹر کو بھی سیل کردیا ہے۔

کمشنر آفس کے مطابق تھیٹرز میں پروگرام ہو رہے تھے جس میں لوگوں کی بڑی تعداد موجود تھی۔