Aaj TV News

BR100 4,846 Increased By ▲ 46 (0.97%)
BR30 24,817 Increased By ▲ 124 (0.5%)
KSE100 45,175 Increased By ▲ 231 (0.51%)
KSE30 18,470 Increased By ▲ 87 (0.47%)
COVID-19 TOTAL DAILY
CASES 854,240 4109
DEATHS 18,797 120
Sindh 290,756 Cases
Punjab 316,334 Cases
Balochistan 23,186 Cases
Islamabad 77,684 Cases
KP 123,150 Cases

اسلام آباد:وزیر داخلہ شیخ رشید احمد نے کہاہے کہ کالعدم ٹی ایل پی سے کوئی مذاکرات نہیں ہو رہے، 20 اپریل تک کالعدم ٹی ایل پی کو تحلیل کردیں گے،وزیراعظم نے گزشتہ روز واضح کیا ہے کہ رسول اللہ کی شان میں کسی صورت گستاخی کو قبول نہیں کریں گے۔

وزیرداخلہ شیخ رشید نے اسلام آبادجی7 میں سستارمضان بازارکا دورہ کیا اور بازار میں قیمتوں کا جائزہ لیا۔

دورے کے دوران میڈیا سے گفتگو کرتے ہوئے شیخ رشید نے کہا کہ اسلام آبادمیں25موبائل بازار لارہےہیں،وزیر اعظم عمران خان مہنگائی پر کنٹرول پانے کیلئےتاقدامات کررہے ہیں، سستے بازارں کے ذریعے عوام کو ریلیف دیں گے۔

وزیرداخلہ کا کہنا تھا کہ کالعدم ٹی ایل پی نے192جگہ کوبلاک کیاتھا،کالعدم تنظیم کےاکاؤنٹس بلاک ہوجاتےہیں،کالعدم تنظیم کےرہنماؤں کی نقل وحرکت پرپابندی ہوتی ہے،کالعدم ٹی ایل پی کے ساتھ کوئی مذاکرات نہیں ہو رہے، 20 اپریل تک کالعدم ٹی ایل پی کو تحلیل کردیں گے، ان کے اکاؤنٹ منجمد اور شناختی کارڈ بھی بلاک ہوں گے،کالعدم ٹی ایل پی اپنےایجنڈےسےہٹنےکیلئےتیارنہیں تھی۔

شیخ رشید نے مزید کہا کہ جہانگیر ترین پارٹی کا حصہ ہیں، امید ہے ساتھ ہی رہیں گے، جہانگیر ترین کا معاملہ بھی ٹھنڈا ہوجائے گا۔

وزیرداخلہ شیخ رشید کا کہنا تھا کہ وزیراعظم نے گزشتہ ناموس رسالت سے متعلق اہم بیان دیا ہے ،جس میں انہوں نے واضح کیا ہے کہ رسول اللہ کی شان میں کسی صورت گستاخی کوقبول نہیں کریں گے ۔