Aaj TV News

BR100 5,282 Increased By ▲ 24 (0.46%)
BR30 27,601 Increased By ▲ 46 (0.17%)
KSE100 48,305 Increased By ▲ 53 (0.11%)
KSE30 19,479 Decreased By ▼ -59 (-0.3%)
COVID-19 TOTAL DAILY
CASES 939,931 1,194
DEATHS 21,633 57
Sindh 327,021 Cases
Punjab 343,703 Cases
Balochistan 26,152 Cases
Islamabad 82,065 Cases
KP 135,569 Cases

کراچی : جنوب مشرقی بحیرہ عرب میں موجود ہوا کا کم دباؤ سمندری طوفان کی شکل اختیار کر گیا ، سمندری طوفان ”ٹاک ٹائی “کراچی سے 840 کلومیٹر دور رہ گیا،موسلادھار بارش اور 60کلو میٹر کی گرد آلود ہوا چلنے کا امکان ہے جبکہ درجہ حرارت 40کو چھُو سکتا ہے۔

جنوب مشرقی بحیرہ عرب میں موجود ہوا کا کم دباؤ سمندری طوفان کی شکل اختیار کر گیا ہے، سمندری طوفان کو ٹاک ٹائی سمندری طوفان کا نام دیا گیا ہے جس کے خطرات بڑھنے لگے ہیں، طوفان کراچی کے جنوب مشرق میں 840 کلومیٹر فاصلے پر ہے۔

محکمہ موسمیات کا کہنا ہے سمندری طوفان سے پاکستانی ساحلوں کو تو کوئی خطرہ نہیں تاہم اس کے اثرات ظاہر ہوں گے جس کے باعث 18 مئی سے شہر میں درجہ حرارت 40 سے 42 ڈگری سینٹی گریڈ تک جائے گا جبکہ شہر میں 40 سے 60 کلومیٹر فی گھنٹہ کی رفتار سے ہوائیں چلیں گی اور بارش کا بھی امکان ہے جبکہ سندھ میں حیدرآباد، بدین، ٹھٹھہ، جام شورو اور شہیدبینظیرآبادمیں بھی 20مئی تک تیز بارشیں ہوں گی۔

شہر قائد میں گرمی کی حالیہ لہر کے باعث سڑکوں پر سناٹا چھایا ہوا ہے، آج بھی سخت دھوپ کی وجہ سے گرمی کی شدت زیادہ محسوس کی جا رہی ہے۔

محکمہ موسمیات کے مطابق کم سے 28 اعشاریہ 5 ڈگری سینٹی گریڈ ریکارڈ کیا گیا ہے، اس وقت ہوا میں نمی کا تناسب 25 فیصد ہے۔

شمال مشرق سے 36 کلومیٹر فی گھنٹہ کی رفتار سے ہوائیں چل رہی ہیں ،آئندہ 24 گھنٹے کے دوران گرم اور خشک رہنے کا امکان ہے ۔