Aaj TV News

BR100 5,282 Increased By ▲ 24 (0.46%)
BR30 27,601 Increased By ▲ 46 (0.17%)
KSE100 48,305 Increased By ▲ 53 (0.11%)
KSE30 19,479 Decreased By ▼ -59 (-0.3%)
COVID-19 TOTAL DAILY
CASES 939,931 1,194
DEATHS 21,633 57
Sindh 327,021 Cases
Punjab 343,703 Cases
Balochistan 26,152 Cases
Islamabad 82,065 Cases
KP 135,569 Cases

قومی اسمبلی میں بجٹ تقریر کے دوران اپوزیشن کی شدید ہنگامہ آرائی جاری ہے۔

اجلاس میں اپوزیشن ارکان حکومت کیخلاف شدید نعرے بازی کررہے ہیں ، جبکہ خواتین ارکان نے بھی بینرز اٹھارکھے ہیں ۔

اجلاس کے دوران اپوزیشن خواتین ارکان حکومتی بینچز کے سامنے آگئیں تو اسپیکر اسدقیصر نے کہا کہ تمام ارکان اپنی اپنی نشستوں پر تشریف رکھیں۔

دوسری جانب وزیرخزانہ شوکت ترین آئندہ مالی سال کا بجٹ پیش کررہےہیں۔ اجلاس کے دوران وزیر خزانہ شوکت ترین نے کہا ہے کہ تحریک انصاف کا تیسرا بجٹ پیش کرنااعزازکی بات ہے۔

وزیرخزانہ کا کہنا تھاکہ معیشت کو طوفان سے نکال کر ساحل تک لے آئے ہیں۔

وزیرخزانہ نے مزید کہا کہ ورثے میں ملنے والی تباہ حال معیشت کو بحال کیا ہے، قرضوں کی وجہ سےدیوالیہ پن کی صورتحال کاسامناتھا، کرنٹ اکاؤنٹ 20 ارب ڈالر کی سطح پر تھا۔

اس سے قبل وفاقی کابینہ نے سرکاری ملازمین کی تنخواہوں میں 10فیصد اضافےکی منظوری دے دی ۔

وزیراعظم عمران خان کی زیرصدارت بجٹ سےمتعلق وفاقی کابینہ کاخصوصی اجلاس ہوا، جس میں آئندہ مالی سال کے بجٹ، ترقیاتی پروگرام اور دیگر امور پر غور کیا گیا۔

ذرائع کے مطابق وفاقی کابینہ نےآئندہ مالی سال کے بجٹ کی تجاویز کی منظوری دے دی جبکہ کابینہ نے سرکاری ملازمین کی تنخواہوں میں 10فیصد اضافےکی بھی منظوری دے دی ۔

ذرائع کا کہنا ہے کہ کابینہ اجلاس میں تنخواہوں میں اضافےکےحوالےسےطویل بحث مباحثہ ہوا۔