Aaj TV News

BR100 4,644 Decreased By ▼ -89 (-1.89%)
BR30 20,295 Decreased By ▼ -45 (-0.22%)
KSE100 45,304 Decreased By ▼ -240 (-0.53%)
KSE30 17,708 Decreased By ▼ -103 (-0.58%)
COVID-19 TOTAL DAILY
CASES 1,269,806 572
DEATHS 28,392 6
Sindh 468,164 Cases
Punjab 439,307 Cases
Balochistan 33,204 Cases
Islamabad 106,749 Cases
KP 177,553 Cases

جمعے کے روز برطانیہ کے جنوبی شہر کارنیوال میں دنیا کی سات بڑی معیشتوں (جی سیون گروپ) کا سربراہی اجلاس ہوا۔ اس اجلاس میں روایت کے طور پر کیک کاٹا جاتا ہے۔

ملکہ برطانیہ الزبتھ دوم نے یہ رسم ادا کی، مگر انہوں نے چھری کی جگہ تلوار سے کیک کاٹنے پر اصرار کیا۔ ملکہ الزبتھ مُصر تھیں کہ وہ تلوار ہی سے بڑا کیک کاٹیں گی۔

ملکہ برطانیہ کو محافظ نے تلوار لا کر دی تو انہوں نے الٹی تلوار سے ہی کیک کاٹنے کی کوشش کی۔ اس موقعے شہزادی کیٹ مڈلٹن اپنی ہنسی ضبط نہ کرسکیں۔ اس دوران تقریب میں شریک دیگر مہمان بھی مسکرا رہے تھے۔

ملکہ الزبتھ نے الٹی تلوار کیک پر رکھی اور اسے کاٹنے کی کوشش کی تو پاس کھڑی خاتون نے بتایا کہ اس کام کے لیے چاقو بھی دستیاب ہے۔

اس پر ملکہ نے جواب دیا ’جی ہاں! میں جانتی ہوں کہ چاقو بھی موجود ہے‘۔ انہوں نے شاہی روایت کو برقرار رکھتے ہوئے تلوار سے کیک کاٹنے کا سلسلہ جاری رکھا، اس دوران انہیں مشکل بھی پیش آئی۔

ٹوئٹر/ دی سن

اس واقعے کی ویڈیو سوشل میڈیا پر خوب وائرل ہو رہی ہے جس پر صارفین خوب تبصرے کرتے دکھائی دیتے ہیں، جبکہ اس ویڈیو میں ملکہ کا تلوار سے کیک کاٹنا اتنا موضوع بحث نہیں جتنا کیٹ مڈلٹن کا ہنسی پر قابو نہ پانا زیربحث ہے۔

اس تقریب کی میزبانی ملکہ الزبتھ نے کی، جس میں جی سیون ممالک کے سربراہان نے بطور مہمان شرکت کی۔ اس موقع پر ملکہ کی امریکی صدر جوبائیڈن اور اُن کی اہلیہ جِل بائیڈن سے بھی ملاقات ہوئی۔