اداکار آغا علی نے ڈائریکٹر سکینہ سموں کے ساتھ کام کے ذاتی تجربے کو ناخوشگوار قرار دیتے ہوئے انکشاف کیا ہے کہ وہ ڈرامہ سیریل "میرے بےوفا" میں ڈائریکٹر سکینہ سموں کے ساتھ کام کرکے شدید پچھتائے ہیں۔

اداکار نے کہا کہ ان کے ساتھ کام کرنا ناصرف ایک تلخ تجربہ تھا، بلکہ اس ڈرامے کی شُوٹنگ کا شیڈول بھی بہت سخت تھا۔

آغا نے کہا کہ ان کے ساتھ کچھ نجی مسائل بھی تھے جس کا وہ تذکرہ نہیں کریں گے۔

ڈرامہ سیریل "میرے بے وفا" میں آغا علی کے ساتھ سارہ خان نے مرکزی کردار ادا کیا تھا، یہ ڈرامہ 2018 میں نجی ٹی وی چینل پر نشر کیا گیا۔