Aaj News

جمعرات, فروری 29, 2024  
18 Shaban 1445  

کورونا وائرس کی چوتھی لہر: انڈور شادی ہالز، ریسٹورنٹس اور جمز بند کرنے کا عندیہ

اسلام آباد:نیشنل کمانڈ اینڈآپریشن سینٹر(این سی او سی)کے سربراہ...
شائع 09 جولائ 2021 11:50am

اسلام آباد:نیشنل کمانڈ اینڈآپریشن سینٹر(این سی او سی)کے سربراہ اسد عمر نےکورونا کی چوتھی لہر شروع ہونے سے متعلق خبردار کرتے ہوئے ایس او پیز پر عمل نہ ہونے کی صورت میں انڈورشادی ہالز ،ریسٹورنٹس اورجمزبندکرنےکاعندیہ دے دیا۔

پہلی لہرمیں خوف تھا، دوسری میں احتیاط کا دامن تھاما لیکن تیسری میں غیرذمہ درانہ رویہ دیکھا گیا جس نے چوتھی لہرکے خدشات کو جنم دے دیا،کورونا وائرس کی چوتھی لہرکےخدشے کے باعث اسد عمرنے خطرے کی گھنٹی بجا دی۔

وفاقی وزیر منصوبہ بندی اور این سی او سی کے سربراہ اسد عمرنے سماجی رابطے کی ویب سائٹ ٹوئٹر پر اپنے ٹویٹ میں انڈور ریسٹورنٹس ،انڈور شادیوں اورجمزکی بندش کاعندیہ دیتےہوئے کہا کہ انڈورتقریبات میں ویکسینیٹڈافرادکی شرط پر عمل نہیں ہورہا،ہوٹل اور جم مالکان نے ذمہ داری نہ دکھائی توبندش کے سواکوئی راستہ نہیں ہوگا۔

اسد عمر نے اپنے ٹویٹ میں کہا کہ 2ہفتے پہلے کہا تھاکہ آرٹیفیشل انٹیلی جنس ماڈلزچوتھی لہر کے آغاز کو ظاہرکررہےہیں۔

این سی او سی کے سربراہ کامزید کہنا تھاکہ اب واضح طور پر کورونا کی چوتھی لہرکےآغازکی ابتدائی علامات کودیکھا جاسکتا ہے، ایس او پیز پر عملدرآمدنہ ہونا اور مختلف ویری انٹس کا پھیلاؤ بڑی وجوہات ہیں۔

NCOC

asad umar

coronavirus

restaurants

اسلام آباد

Federal Minister

marriage hall

Comments are closed on this story.

تبصرے

تبولا

Taboola ads will show in this div