Aaj TV News

BR100 5,093 Decreased By ▼ -3 (-0.06%)
BR30 25,710 Decreased By ▼ -45 (-0.17%)
KSE100 47,312 Decreased By ▼ -6 (-0.01%)
KSE30 18,963 Decreased By ▼ -11 (-0.06%)
COVID-19 TOTAL DAILY
CASES 1,020,324 4,497
DEATHS 23,209 76
Sindh 374,434 Cases
Punjab 354,904 Cases
Balochistan 30,019 Cases
Islamabad 86,602 Cases
KP 142,799 Cases

کراچی کے علاقے گلستان جوہر میں دن دہاڑے رئیل اسٹیٹ ایجنٹ اظہر اقبال کو اس کے بچوں کے سامنے قتل کردیا گیا۔

گزشتہ روز پیش آنے والے ٹارگٹ کلنگ کے اس واقعے کی فوٹیج منظر عام پر آگئی ہے، جس میں دیکھا جاسکتا ہے کہ موٹر سائیکل سوار نامعلوم افراد نے پیچھا کر کے اظہر اقبال کو قتل کیا۔ قتل کے وقت مقتول گاڑی میں بچوں کے ساتھ ہی موجود تھے، سی سی ٹی وی ویڈیو میں ملزمان کو واردات کرتے دیکھا جاسکتا ہے۔

واضح رہے کہ مقتول رئیل اسٹیٹ ایجنٹ اظہر اقبال نے رواں سال جنوری میں قبضہ مافیا کے خلاف چھت سے ویڈیو بنائی تھی جس میں اس نے بتایا کہ گلستان جوہر کی آرکیٹیکٹ اینڈ انجینئرنگ سوسائٹی کے پلاٹوں پر قبضہ میں مبینہ طور پر رفعت زمان کیانی اور خالد زمان کیانی پولیس اور ڈی سی ایسٹ کی مدد سے ملوث ہیں۔

مقتول نے یہ ویڈیو ماہ جنوری میں بنائی اور اس کے بعد قبضہ مافیا کے خلاف اہل علاقہ کے ہمراہ پریس کلب میں پریس کانفرنسز بھی کیں۔

پولیس کا کہنا ہے کہ واقعہ کا مقدمہ تاحال درج نہیں کرایا گیا۔ پولیس حکام نے سی سی ٹی وی فوٹیج تحویل میں لیکر تفتیش شروع کردی ہے۔

پولیس نے واقعہ کی سی سی ٹی وی تحویل میں لے کر تفتیش شروع کردی ہے، پولیس حکام کا کہنا ہے کہ جلد ملزمان کو گرفتار کرلیا جائے گا۔