Aaj TV News

BR100 4,822 Decreased By ▼ -37 (-0.75%)
BR30 23,477 Decreased By ▼ -389 (-1.63%)
KSE100 45,597 Decreased By ▼ -412 (-0.89%)
KSE30 18,029 Decreased By ▼ -150 (-0.82%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

ورلڈ ایموجی ڈے پر فیس بک میسنجر نے ساؤنڈ ایموجی پیش کئے ہیں جو آواز خارج کرتے ہیں، یعنی اب آپ ایموجی کے صوتی تاثرات سے بھی لطف اندوز ہوسکتے ہیں۔

فی الحال تالیوں والی ایموجی کے ساتھ جھینگر، ڈھول اور قہقہوں کی آواز والے ساؤنڈ ایموجی ریلیز ہوئے ہیں جن میں مزید اضافہ کیا جائے گا۔ اس کے علاوہ مشہور فنکاروں اور اداکاروں کے آڈیوکلپس شامل ہیں جن میں ریبیکا بلیک، یونیورسل پکچرز اور دیگر اداروں کی آوازیں اور ڈائیلاگ شامل ہیں۔

فیس بک کے مطابق صرف میسنجر پر روزانہ ڈھائی ارب پیغامات بھیجے جاتے ہیں۔ اس لیے آواز والے ایموجی کی اہمیت واضح ہوجاتی ہے۔

فیس بک پرامید ہے کہ اس طرح میسنجر کی مقبولیت بڑھے گی اور ایپ کا یہ آپشن مشہور ہوگا۔ لوگ چیٹنگ کے درمیان اپنی آواز بھی بھیج سکیں گے۔ اس طرح اشتہاراتی سرگرمیوں کو بھی فروغ ملے گا۔ یوں ساؤنڈ ایموجی کو مارکیٹنگ میں استعمال کیا جاسکتا ہے۔

اسے استعمال کرنا بہت آسان ہے۔ ساؤنڈ ایموجی کے لیے ڈراپ ڈاؤم مینیو میں سے آپ لاؤڈ اسپیکر کا آئکن منتخب کریں اور ساؤنڈ ایموجی اسٹیکرز استعمال کریں۔

فیس بک نے کہا ہے کہ اس ساؤنڈ لائبریری میں مسلسل اضافہ ہوتا رہے گا۔