Aaj News

ایمنسٹی انٹرنیشنل کی حکام سے فیصل آباد میں عورت مارچ کےلئے اجازت کی درخواست

ایمنسٹی انٹرنیشنل ساؤتھ ایشیاء نے پاکستانی حکام سے فیصل آباد...
شائع 02 اگست 2021 07:36pm

ایمنسٹی انٹرنیشنل ساؤتھ ایشیاء نے پاکستانی حکام سے فیصل آباد میں عورت مارچ کے انعقاد کےلئے منتظمین کو اجازت دینے کی درخواست کردی۔

ٹوئٹر پیغام میں ایمنسٹی انٹرنیشنل ساؤتھ ایشیاء کی جانب سے کہا گیا کہ فیصل آباد میں عورت مارچ پر پابندی کے حکومت کے کل کے فیصلے کے متعلق ایمنسٹی انٹرنیشنل کو تشویش ہے۔ آئینِ پاکستان اور تمام اہم حقوقِ انسانی کے کنونشن پُرامن اجتماع کے حق کا تحفظ کرتے ہیں۔

نور مقدم کیس کےلئے احتجاج اتوار کو ہونا تھا تھا لیکن مقامی انتظامیہ نے سیکیورٹی وجوہات کی بنا پر تنظیم کو احتجاج نہیں کرنے دیا۔

منتظمین کا کہنا تھا کہ وہ احتجاج کی تاریخ کا اعلان کریں گے۔

جیو نیوز کے مطابق اسسٹینٹ کمشنر فیصل آباد ایوب بخاری کا کہنا تھا کہ منتظمین کے پاس این او سی نہیں تھا اور وہ بغیر کسی نوٹس کہ احتجاج کرنے جارہے تھے۔

انہوں نے کہا ایسے معاملات میں کافی سیکیورٹی خطرات لاحق ہوتے ہیں۔ ہم نے انہیں این او سی لینا کا کہا ہے۔

اے سی فیصل آباد نے واضح کیا کہ منتظمین کا قاعدے کا پاس نہ کرنا مارچ کےلئے اجازت نہ ملنے کی وجہ بنا۔

انہوں نے مزید کہا کہ تیزی سے آتے محرم الحرام کی وجہ سے بھی خطرہ ہے۔

Aurat March

Faislabad

amnesty international

Comments are closed on this story.

مقبول ترین