Aaj News

'امام حسین ؓ اور اہل بیت نے اپنی جانوں کا نذرانہ پیش کر کے دین اسلام کو حیات نو بخشی'

صدرمملکت عارف علوی نے یوم عاشورہ پر قوم کے نام پیغام میں کہا ہے...
شائع 18 اگست 2021 06:10pm

صدرمملکت عارف علوی نے یوم عاشورہ پر قوم کے نام پیغام میں کہا ہے کہ امام حسین ؓ اور اہل بیت نےاپنی جانوں کا نذرانہ پیش کرکےدین اسلام کو حیات نو بخشی،ہمیں اپنے اندر نظم و ضبط اور ایثار و قربانی کا جذبہ پیدا کرنا ہے۔باہمی نفرتوں، کدورتوں اور گروہ بندیوں سے پرہیز کرنا ہے۔

صدر مملکت کا کہنا تھا کہ یوم عاشور نہایت عظمت اور احترام کا حامل دن ہے۔امام حسین ؓ نے اہل بیت ، دیگر جانثار ساتھیوں کے ہمراہ بے سرو سامانی کے عالم میں ظلم و استبداد کی قوتوں کو للکاراآج اسلام انہی قربانیوں کی بنا پر زندہ ہے۔شہادت امام حسین ؓ امت مسلمہ کے لیے ایک عظیم درس ہے۔شہادت رہتی دنیا تک کےلئے عزم و استقلال کی علامت ہے۔

انہوں نے کہا کہ ہمیں اپنے دین، ملت اور ملک کےلئے ہر قسم کی قربانی کےلئے خود کو تیار کرنا ہے۔

صدر مملکت نے عاشورہ کے اجتماعات میں حکومت کی طرف سے جاری کردہ تمام احتیاطی تدابیر کو اختیار کرنے کی اپیل بھی کی۔

Arif Alvi

President of Pakistan

Ashura

Comments are closed on this story.

مقبول ترین