Aaj TV News

BR100 4,822 Decreased By ▼ -37 (-0.75%)
BR30 23,477 Decreased By ▼ -389 (-1.63%)
KSE100 45,597 Decreased By ▼ -412 (-0.89%)
KSE30 18,053 Decreased By ▼ -126 (-0.69%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

بولی وڈ اسٹار جیکی شروف عرف "دادا" نے سلمان خان سے متعلق انکشاف کیا ہے کہ میں نے اپنے ڈائریکٹرز کو اس کی تصاویر دکھائیں تو اُسے فلموں میں کردار ملنے لگے۔

خیال رہے کہ جیکی شروف اور سلمان خان حالیہ فلم "رادھے:دا موسٹ وانٹڈ بھائی" میں ایک ساتھ دکھائی دیے ہیں۔

اس سے قبل بھی یہ دونوں فلم "کیوں کی"، "ویر"، "بھارت" اور "بندھن" جیسی فلموں میں کام کرچکے ہیں۔

بھارتی فلم انڈسٹری میں دونوں اچھے دوست سمجھے جاتے ہیں، جبکہ جیکی شروف کا تو یہاں تک ماننا ہے کہ ان کی وجہ سے سلمان خان کو فلموں میں کردار ملنے لگے تھے۔

اپنے ایک حالیہ انٹرویو میں جیکی شروف کا کہنا تھا کہ میں نے اس نوجوان (سلمان خان) کو اس وقت دیکھا تھا جب وہ 17 برس کا تھا، چونکہ ان کے والد کے بہترین کہانی نویس تھے، تو وہ بھی اس وقت شوبز سے آشنا ہونے کی کوشش کر رہے تھے۔

انہوں نے کہا کہ سنجے دت اور میں اس نوجوان کو اکثر دیکھا کرتے تھے کہ کس طرح کے اسٹائل کو وہ استعمال کرتا ہے اور کس خوبصورتی کے ساتھ وہ اسٹائل دیتا ہے جبکہ اس کے ساتھ ہی اس نے ماڈلنگ بھی شروع کی۔

جیکی شروف کا کہنا تھا کہ میں نے سلمان خان کی تصویر اس وقت دیکھی تھی جب میں ان کے والد کے ساتھ کام کر رہا تھا، اور میں نے یہ تصاویر اپنے ڈائریکٹرز کو دکھائیں تو انہیں فلموں میں کام ملنے لگا۔

جیکی نے کہا کہ میں نے اس کی تصاویر دیکھ کر اس میں اداکاروں والی صلاحیتیں پائیں اور اس بات کا اندازہ اس وقت بھی ہوا جب میں نے اسے بطور اسسٹنٹ ڈائریکٹر مجھے ڈائیلاگ سکھاتے ہوئے سنا۔

انہوں نے یہ بھی کہا کہ مجھے اس وقت نہیں معلوم تھا کہ یہ نوجوان آگے جاکر ایک دن اتنا بڑا سپر اسٹار بن جائے گا۔