Aaj TV News

BR100 4,401 Decreased By ▼ -270 (-5.78%)
BR30 17,494 Decreased By ▼ -1340 (-7.12%)
KSE100 43,150 Decreased By ▼ -2219 (-4.89%)
KSE30 16,664 Decreased By ▼ -912 (-5.19%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

پاکستان نے دہشتگردی کی تمام اقسام اور صورتوں کے خلاف جنگ اور خطے اور اس سے باہر امن و سلامتی برقرار رکھنے کا اپنا مثبت کردار جاری رکھنے کے عزم کا اعادہ کیا ہے۔

امریکا میں گیارہ ستمبر کو دہشتگردی کے حملوں کو 20 سال مکمل ہونے کے موقع پر ایک بیان میں دفتر خارجہ کے ترجمان عاصم افتخار نے ایک بار پھر ان حملوں کی مذمت کی اور بے گناہ متاثرین کے خاندانوں اور عزیزوں کی حمایت اور ان سے یکجہتی کا اعادہ کیا۔

ترجمان نےکہاپاکستان گزشتہ دو دہائیوں سے دہشتگردی کے خلاف عالمی جنگ میں بین الاقوامی برادری کا فعال شراکت دار رہا ہے۔ پاکستان نے اس جدو جہد میں قائدانہ کردار ادا کیا اور 80 ہزار جانوں کے زیاں اور ایک سو پچاس ارب ڈالرز کے اقتصادی نقصان کی صورت میں بے مثال قربانی دے کر اپنے بھرپور عزم کا مظاہرہ کیا۔

عاصم افتخار نے کہا ہم پاکستان میں دہشتگردی کے حملوں خاص طور پر گزشتہ چند ماہ کے دوران ہونے والے حملوں کی شدید مذمت کرتے ہیں جن کی منصوبہ بندی اور مدد سرحد پار سے ہوئی۔

انہوں نے کہا پاکستان نے اپنی سرزمین پر ہونے والے دہشتگردی کے واقعات کے منصوبہ سازوں،معاونین اور ر قم فراہم کرنے والوں کو بے نقاب کیا ہے اور وہ آئندہ بھی ایسا کرتا رہے گا۔

ریڈیو پاکستان