Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,623 Decreased By ▼ -297 (-0.63%)
KSE30 18,469 Decreased By ▼ -189 (-1.01%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

سابق کرکٹر سلیم یوسف کی صاحبزادی ایمن سلیم نے اپنے پہلے ہی ڈرامے "چپکے چپکے" سے بین الاقوامی شہرت حاصل کرلی تھی، تاہم اچانک ان کی جانب سے اعلان کیا گیا کہ اب وہ دوبارہ شوبز انڈسٹری میں کام نہیں کریں گی۔

ان کے مداحوں کیلئے یہ اعلان کسی دھچکے سے کم نہیں تھا، لیکن اب انہوں نے خود اس راز سے پردہ اٹھا دیا ہے کہ آخر انہوں نے فیصلہ کیوں کیا۔

ایک نجی ٹیلی وژن کو انٹرویو میں ایمن سلیم کا کہنا تھا کہ ہماری شوبز انڈسٹری باقی انڈسٹریوں سے بہت حد تک مختلف ہے، میں اس فیلڈ میں آئی تو میں ذہنی طور پر مکمل تیار نہیں تھی۔ انہوں نے بتایا کہ میری تعلیم کارپوریٹ سیکٹر سے ہے۔

ایمن سلیم نے کہا کہ میں نے امریکا سے سرمایہ کاری بینکنگ کی، اس کے بعد کلسنٹنٹ کے طور پر کام کیا، اس لئے شوبز انڈسٹری میری تعلیم اور نوکری سے یکسر مختلف شعبہ ہے۔

ان کا کہنا تھا کہ انہوں نے یہ تو سوچا ہی نہیں تھا کہ وہ پاکستان کی شوبز انڈسٹری میں کام کرنا چاہتی بھی ہیں یا نہیں، اسی لئے میں نے ڈراموں سے کنارہ کشی اختیار کی تاکہ سوچ سکوں کہ آیا واقعی مجھے یہ شعبہ اختیار کرنا چاہیے، اور اس کا مستقبل کیا ہوگا۔