Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,650 603
DEATHS 28,300 20
Sindh 466,154 Cases
Punjab 438,133 Cases
Balochistan 33,133 Cases
Islamabad 106,504 Cases
KP 176,950 Cases

وفاقی وزیرداخلہ شیخ رشید نے کہا ہے کہ دستانے پہنے ہاتھوں نے سازش کے تحت نیوزی لینڈ کا دورہ منسوخ کروایا ۔ کوئی سیکیورٹی ‏تھریٹ نہیں تھا ۔ نیوزی لینڈ نے اپنی صوابدید پر یکطرفہ طورپرفیصلہ کیا ۔

اسلام آباد میں پریس کانفرنس کرتے ہوئے وزیرداخلہ شیخ رشید نے کہا کہ ہماری طرف سے فول پروف سیکیورٹی ‏تھی خود نیوزی لینڈ کی سیکیورٹی ٹیم نے بھی ہمارے اقدامات کو سراہا اوراطمینان کا اظہارکیا لیکن دستانے پہنے ‏ہاتھوں نے سازش کی یہ وہی ہاتھ ہیں جو افغانستان میں پاکستان کوقربانی کا بکرا بنانا چاہتے تھے ۔

وزیرداخلہ نے کہا کہ نیوزی لینڈ ٹیم کا دورہ منسوخ کرنا وزارت داخلہ کی کوئی ناکامی نہیں، پاکستان کے عظیم ترین ‏ادارے ہیں کسی کے پاس تھریٹ نہیں آئی تھی، نیوزی لینڈ کو بغیر تماشائی سیریزکیلئے منانے کی کوشش کی مگر ‏وہ نہ مانے پاکستان کے تمام ادارے نیوزی لینڈ کی سیکیورٹی پر موجود تھے۔

انگلش ٹیم کے دورہ پاکستان سے متعلق ان کا کہنا تھا کہ مجھے ابھی پتہ چلاہے کہ انگلینڈ ٹیم بھی غورکررہی ‏ہے ۔ انگلینڈ کرکٹ ٹیم کےدورہ پاکستان سےمتعلق48گھنٹے اہم ہیں، انگلش ٹیم کےدورہ پاکستان کے بھی انتظامات ‏مکمل ہیں، ٹیم جو فیصلہ کرے گی یہ ان کا فیصلہ ہوگا ۔