پاکستان کرکٹ بورڈ کے چیئرمین رمیز راجا نے سیریز منسوخ ہونے پر خصوصی پیغام جاری کیا ہے اور کہا ہے کہ سیریز منسوخ ہونے سے پاکستان پر دباؤ بڑھا ہے۔

اپنے پیغام میں رمیز راجا نے کہا کہ پہلے بھی مشکل حالات سے گزر چکے ہیں۔

چیئرمین پی سی بی کا کہنا تھا کہ ہمارا اور فینز کا درد ایک جیسا ہے، شائقین کرکٹ کو جلد خوشیاں دیں گے، ہم امید کیا کررہے تھے اور کیا ہوگیا۔

گزشتہ روز سیکیورٹی خدشات کے پیش نظر پاکستان اور نیوزی لینڈ کےدرمیان کرکٹ سیریز کو پر منسوخ کردیا گیا ہے۔

پاکستان اور نیوزی لینڈ کے درمیان تین ایک روزہ میچوں کی سیریز کا پہلا ون ڈے میچ گزشتہ روز راولپنڈی اسٹیڈیم میں دوپہر ڈھائی بجے کھیلا جانا تھا۔

تا ہم ابتدائی طور پر میچ کے حوالے سے یہ خبریں سامنے آئی تھیں کہ شاید کورونا کی وجہ سے کھلاڑیوں کو ہوٹل میں ہی رہنے کی ہدایت کی گئی ہے۔ پھر یہ خبر سامنے آئی کہ سیکیورٹی خدشات کی وجہ سے میچ منسوخ کیا گیا ہے تاہم اب اس بات کی تصدیق ہوگئی ہے کہ نیوزی لینڈ کی ٹیم نے سیریز کو منسوخ کردیا ہے اور اس کی وجہ سیکیورٹی خدشات بتایا ہے۔