اپر دیر کےعلاقے براول بانڈگین مںن جرگےکےدوران فائرنگ سے 8افرادجاں بحق اور10سےزائد شدیدزخمی ہوگئے۔

ذرائع کے مطابق افسوسناک واقعہ اپردیرکے علاقے براول بانڈگئی میں پیش آیاجہاں سڑک کی تعمیر کے تنازع کے حل کیلئے فریقین کے درمیان جرگہ جاری تھا کہ اس دوران جھگڑا ہوگیا۔

دونوں فریقین نے ایک دوسرے پر فائرنگ کردی، جس کے نتیجے میں 8افراد جاں بحق اور 10سے زائد شدید زخمی ہوگئے۔

واقعے کے بعد ریسکیوٹںکر موقع پرپہنچ گئی ،لاشوں اورزخموٹں کوفوری طور پر ڈی ایچ کیو دیر منتقل کردیا گیا۔

آئی جی معظم جاہ انصاری نے فائرنگ کے واقعے کا نوٹس لیتے ہوئے آر پی او ملاکنڈ سے رپورٹ طلب کرلی۔

آئی جی نے ملوث ملزمان کیخلاف سخت کارروائی جبکہ جرگہ سسٹم اور جرگوں کیلئے سیکیورٹی کا بندوبست کرنے کی بھی ہدایت کردی۔