Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,650 603
DEATHS 28,300 20
Sindh 466,154 Cases
Punjab 438,133 Cases
Balochistan 33,133 Cases
Islamabad 106,504 Cases
KP 176,950 Cases

لاہورہائیکورٹ نے پی آئی سی میں دل کے مریضوں کو زائد المیعاد اسٹنٹ ڈالنے کے خلاف درخواست میں حکومت پنجاب اور ایف آئی اے کی رپورٹس پر فریقین سے دلائل طلب کر لیے۔

لاہورہائیکورٹ کے جسٹس علی باقر نجفی نے درخواست پر سماعت کی۔پنجاب حکومت اور ایف آئی اے کی جانب سے جواب داخل کروا دیا گیا۔

جمع کروائی گئی رپورٹس کے مطابق جعلی اسٹنٹ سے متعلق میو اسپتال اسکینڈل پر ایف آئی اے نے مقدمہ درج کرلیا ہے اور معاملہ ڈرگ حکام کو بھجوا دیا تھا۔

پنجاب حکومت کے وکیل نے بتایا کہ پنجاب حکومت نے معاملے کی انکوائری کےلئے کمیٹی تشکیل دے دی ہے۔

عدالت نے درخواست گزار کو رپورٹس کی کاپیاں دینے کی ہدایت کرتے ہوئے کیس کی سماعت سات اکتوبر تک ملتوی کردی۔

درخواست گزار کےمطابق پی آئی سی کےموجودہ چیف ایگزیکٹو کےخلاف جعلی اسٹنٹ کے حوالےسے2017 میں بھی انکوائری ہوچکی ہے۔عدالت ذمہ داروں کے خلاف سخت کارروائی کر تے ہوئے انہیں عہدوں سے ہٹانے کا حکم جاری کرے۔