Aaj TV News

BR100 4,678 Decreased By ▼ -37 (-0.78%)
BR30 18,646 Decreased By ▼ -612 (-3.18%)
KSE100 45,509 Decreased By ▼ -254 (-0.56%)
KSE30 17,882 Decreased By ▼ -116 (-0.65%)
COVID-19 TOTAL DAILY
CASES 1,328,487 4,340
DEATHS 29,019 7
Sindh 502,500 Cases
Punjab 453,392 Cases
Balochistan 33,705 Cases
Islamabad 111,376 Cases
KP 182,311 Cases

سابق ویسٹ انڈین آل راؤنڈر مارلن سیموئلز پر انٹر نیشنل کرکٹ کونسل( آئی سی سی)کےاینٹی کرپشن کوڈ کی خلاف ورزی پر فرد جرم عائد کردی گئی۔

آئی سی سی کے مطابق 2000 سے 2018 کے درمیان بین الاقوامی کرکٹ کھیلنے والے ویسٹ انڈیز کے سابق آل راؤنڈر مارلن سیموئلز پر بدھ کے روز آئی سی سی کے اینٹی کرپشن کوڈ کے تحت فرد جرم عائد کی گئی ہے۔

آئی سی سی نے سیموئلز پرایمریٹس کرکٹ بورڈ (ای سی بی)کی جانب سے ٹی 10 لیگ کے شرکاء کیلئے اینٹی کرپشن کوڈ کے 4 کوڈز کی خلاف ورزی کا الزام عائد کیا تھا۔

سیموئلز نے آئی سی سی کے جن 4 کوڈز کی خلاف ورزی کی ہے اس میں اینٹی کرپشن حکام کو 750 ڈالرز کی مہمان نوازی کی رسید فراہم نہ کرنا، تفتیش کے دوران صحیح معلومات تاخیر سے فراہم کرنا یا چھپانا، کسی بھی تحفے کی رسید، ادائیگی ، مہمان نوازی یا دیگر فوائد جو ایسے حالات میں دیئے گئے تھے جو شرکاء یا کرکٹ کے کھیل کو بدنام کر سکتے ہیں اس کو ظاہر نہ کرنا، اس کے علاوہ اینٹی کرپشن سے تفتیش میں تعاون نہ کرنا شامل ہیں۔

آئی سی سی کا کہنا ہے کہ مارلن سیموئلز کو الزامات کا جواب دینے کیلئے14 دن کا وقت دیا جائے گا۔

سابق آل راؤنڈر نے ویسٹ انڈیز کیلئے71 ٹیسٹ،207 ون ڈے اور 67 ٹی 20 میچ کھیلے،انہوں نے اپنے بین الاقوامی کیرئیر کے دوران 11 ہزار سے زائد رنز بنائے اور 152 وکٹیں لیں۔