Aaj News

جمعہ, مارچ 29, 2024  
18 Ramadan 1445  

ملک میں بڑے بڑے مافیا بیٹھے ہیں، یہ قانون کی حکمرانی نہیں چاہتے، وزیراعظم

ڈیرہ اسماعیل خان:وزیر اعظم عمران خان نے کہا ہے کہ ملک میں بڑے بڑے...
اپ ڈیٹ 23 ستمبر 2021 02:27pm

ڈیرہ اسماعیل خان:وزیر اعظم عمران خان نے کہا ہے کہ ملک میں بڑے بڑے مافیابیٹھے ہیں اور یہ قانون کی حکمرانی نہیں چاہتے،ریاست مدینہ کی بات سوچ سمجھ کرتا ہوں،ہم دین پر نہیں چلتے اسی لئے حالات برے ہیں،بڑی قوم بننے کیلئے ہمیں صادق اور امین بننا پڑے گا۔

ڈیرہ اسماعیل خان میں کسان کنونشن سے تقریب سےخطاب کرتے ہوئے وزیراعظم عمران خان نےکہا کہ اسلام کوذاتی مفادات اورووٹ کیلئےاستعمال نہیں کرتا،میں نےپوری دنیااوراسلام کی تاریخ تفصیل سےپڑھی،میں نےسیرت النبیﷺبھی تفصیل سےپڑھی ہے،ریاست مدینہ میرے ایمان کا حصہ ہے، دین کی پیروی نہ کرنے کی وجہ سے ہمارے حالات ابتر ہیں ،اسلام سے پہلے عربوں کی کوئی حیثیت نہیں تھی،چندسالوں میں مسلمانوں نےپوری دنیاپرحکمرانی کی۔

وزیراعظم نے مزید کہا کہ رسول اللہﷺنےمدیہی میں انصاف کانظام رائج کیا،ریاست مدیہہ میں انسانوں کی کردارسازی کی گئی،ریاست مدینہ کی بات سوچ سمجھ کرتا ہوں،ہم دین پر نہیں چلتے اسی لئے حالات برے ہیں،بڑی قوم بننے کیلئے ہمیں صادق اور امین بننا پڑے گا۔

عمران خان نے کہا کہ ملک میں بڑےبڑے مافیابیٹھےہوئےہیں اورمافیاقانون کی حکمرانی نہیں چاہتے،مافیا کہتا ہے ہمیں این آر او دو اور غریب کو پکڑو، مافیا کرپٹ نظام سے فائدہ اٹھا رہا ہے،ماضی کے حکمرانوں نے نظام کو مضبوط نہیں ہونے دیا۔

وزیراعظم عمران خان کا مزید کہنا تھا کہ کفارکےممالک میں الیکشن میں دھاندل اورچوری نہیں ہوتی ،ہمارےالیکشن کابڑامسئلہ دھاندلی کوروکنا ہوتاہے،لوگوں نےحکومت میں آکربیرون ملک اربوں کی جائیدادبنائی،جوایک رسیدنہیں دےسکتاوہ باہربیٹھ کرتقاریرکرتاہے۔

وزیراعظم نے کہا کہ زرعی ملک ہوتے ہوئے 40لاکھ ٹن گندم درآمدکی،ریکارڈپیداوارکےباوجودگندم درآمد کرنی پڑتی ہے،آبادی زیادہ ہونے کی وجہ سے خوراک کی کمی کا سامنا ہے،ہم نے اپنی بنیادی تعلیم پر توجہ دینی ہے، بنیادی تعلیم سے بڑھتی ہوئی آبادی کنٹرول کی جاسکتی ہے،ہمیں اپنی اجناس کی پیداوارکو بھی بڑھاناہے۔

پناہ گاہوں کا سیاست سے کوئی تعلق نہیں،وزیراعظم عمران خان

دوسری جابنب وزیراعظم عمران خان کا کہنا ہے کہ پناہ گاہوں کا سیاست سے کوئی تعلق نہیں، اس کا تعلق اللہ اور اس کی مخلوق کی خدمت سے ہے، پناہ گاہوں کا مقصد معاشی طور پر غریب طبقے کے وقار کو مجروح ہونے سے بچانا ہے۔

وزیرِاعظم عمران خان سے معاونِ خصوصی ثانیہ نشتر نے ملاقات کی، وزیرِ اعظم کو پناگاہوں کی صورتحال اور بہتری کیلئے بنائے گئے جامع منصوبے پر بریفنگ دی گئی۔

بریفنگ میں بتایا گیا کہ منصوبے پر3 مرحلوں میں عملدرآمد کیا جائے گا، پناہ گاہوں میں سہولیات کی فراہمی میں بہتری لائی جائے گی جبکہ پناہ گاہوں کے ساتھ احساس ون ونڈو سینٹر بھی کھولے جائیں گے۔

اس موقع پر وزیراعظم عمران خان نے لوگوں کے رش والی پناہ گاہوں پر خصوصی توجہ دینے کی ہدایت کرتے ہوئے کہا کہ پناہ گاہوں کا سیاست سے کوئی تعلق نہیں، اس کا تعلق اللہ اور اس کی مخلوق کی خدمت سے ہے،پناہ گاہوں کا مقصد معاشی طور پر غریب طبقے کے لوگوں کے وقار کو مجروح ہونے سے بچانا ہے۔

وزیراعظم نے مثالی پناہ گاہوں کا قیام جلد عمل میں لانے کی ہدایت کرتے ہوئے کہا کہ پناہ گاہوں سے پہلے غریب مزدور سڑکوں پر سونے پر مجبور تھے۔

وزیراعظم کی سعودی عرب کو91ویں قومی دن کےموقع پرمبارکباد

ادھر سماجی رابطے کی ویب سائٹ ٹوئٹر پر اپنے ٹویٹ میں وزیراعظم عمران خان نے سعودی عرب کو91ویں قومی دن کےموقع پرمبارکباد پیش کی ہے۔

وزیراعظم نے اپنے ٹویٹ میں کہا کہ اپنی حکومت اور عوامِ پاکستان کی جانب سے سعودی فرماںرواں،ولی عہد اور عوام کومبارکباد پیش کرتا ہواور سعودی عرب کومدبرانہ قیادت کےزیر سایہ ترقی کرتادیکھنا چاہتےہیں۔

Advisor

اسلام آباد

Sania Nishtar

pm imrankhan

politics

Comments are closed on this story.

تبصرے

تبولا

Taboola ads will show in this div