Aaj TV News

BR100 4,665 Decreased By ▼ -3 (-0.06%)
BR30 20,665 Decreased By ▼ -228 (-1.09%)
KSE100 44,860 Increased By ▲ 38 (0.09%)
KSE30 17,553 Increased By ▲ 32 (0.18%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

وزیراعظم عمران خان کے اقوامِ متحدہ میں سابق امریکی صدر رونلڈ ریگن کے متعلق بیان نے ٹوئٹر پر ایک نئی بحث چھیڑ دی.

جمعےکےروز اقوامِ متحدہ میں کی جانےوالی تقریر میں عمران خان نے کسی خبر کاحوالہ دیتے ہوئے کہا کہ رونلڈ ریگن نے مجاہدین کو وائٹ ہاؤس بلاکر ان کو امریکا کے بانیوں کے مساوی قرار دیا تھا.

وزیراعلیٰ پنجاب کے فوکل پرسن اظہرمشوانی نے رونلڈ ریگن کی ایک ویڈیو ٹوئٹ کی جس میں ایڈٹنگ کی گئی تھی. تاہم ٹوئٹر صارفین نے اصل ویڈیو نکال کر یہ بات واضح کی کہ ویڈیو میں رونلڈ ریگن نے افغان مجاہدین کو نہیں بلکہ نِکاراگووم جنگجؤں کو امریکی بانیوں کے مساوی قراردیا تھا.

بعد ازان اظہر نے اپنی پچھلی ٹوئٹ ڈیلیٹ کرتے ہوئے بغیر ایڈٹ کی ہوئی ویڈیو پوسٹ کرتے ہوئے معذرت کی.

انہوں نے مزید کہا اصلی ویڈیو پوسٹ کردی لیکن اس سے ویڈیو کا سیاق و سباق نہیں بدلتا.

معروف صحافی غریدہ فاروقی نے ٹوئٹر پر وزیراعظم کے بیان کو عالمی فورم پر بڑی شرمندگی قرار دیتے ہوئے تقریر لکھنے والے کو نوکری سے نکالنے کا مطالبہ کیا.

انہوں نے مزید کہا رونلڈ ریگن نے کبھی مجاہدین کا موازنہ امریکا کے بانیوں سے نہیں کیا. یہ جعلی خبر ہے، وزیراعظم نے جعلی خبر کا حوالہ دیا.

ایک اور صحافی سید علی حیدر نے کہا وزیراعظم کے طالبان کے متعلق بیان کے بعد حکومت کی سوشل میڈیا مشینری رونلڈ ریگن کی ویڈیو کی ہر ممکن ڈاکٹری کررہی تاکہ وزیراعظم کر صحیح ثابت کرسکے.