Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

لاہور:پاکستان کرکٹ بورڈ (پی سی بی) کے چیئرمین رمیز راجہ نے بورڈ ملازمین کو اخراجات کم کرنے کاحکم دے دیا۔

چیئرمین پی سی بی رمیز راجہ نے بورڈ ملازمین کو اخراجات کم کرنے کا پیغام ان سے ملاقات میں دیا۔

رمیز راجہ نے بورڈ ملازمین سے دو روز قبل عمران خان انکلوژر میں خطاب کیا تھا، جس میں ڈائریکٹرز سے لے کر لوئر اسٹاف اور گراؤنڈ اسٹاف کے تمام ملازمین موجود تھے۔

چیئرمین پی سی بی رمیز راجہ نے اپنے خطاب میں کہا کہ وزیر اعظم عمران خان نے مجھے بتایا کہ انہوں نے پرائم منسٹر ہاؤس اور آفس کے اخراجات کیسے کم کیے، ہمیں بورڈ میں اخراجات کم کرنا ہیں، 2 کی بجائے ایک کپ چائے پئیں ،اے سی کم استعمال کریں، دفاتر سے جاتے ہوئے لائٹس بند کر کے جائیں۔

رمیز راجہ نے کہا کہ پاکستان کرکٹ ٹیم کو نمبر ون بنانا ہے، نمبر ون ٹیم نہیں ہو گی تو ہم سب کے رہنے کا کوئی جواز نہیں ہے، رہنے کیلئے کام کرنا ہے۔

چیئرمین پی سی بی نے دبے الفاظ میں بڑی تنخواہ والوں کو بھی پیغام دیا کہ ہمیں کام کرنا ہے اور اپنی موجودگی کا جواز بتانا ہے۔

چیئرمین پی سی بی رمیز راجہ کا مزیدکہنا تھا میرا فوکس صرف کرکٹ ہے، ہمیں کرکٹ کو اوپر لے کر جانا ہے کرکٹ کی بہتری کیلئے بہت کام کرنا ہے، گراس روٹ لیول کو بہتر کرنا ہے اور پچز کا معیار اچھا کرنا ہے۔