Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

بولی وڈ کنگ شاہ رخ خان کے بیٹے آریان خان منشیات برآمدگی کیس میں تاحال زیر حراست ہیں اور اب انکی مشکلات میں مزید اضافہ ہوگیا ہے کیونکہ عدالت نے انکی درخواست ضمانت مسترد کردی ہے۔

منشیات برآمدگی کیس میں آریان خان کے علاوہ منمن دھامیچا اور ارباز مرچنٹ نامی افراد کی بھی درخواست ضمانت دائر کی گئی تھی اور عدالت نے انکی درخواستیں بھی مسترد کردی ہیں۔

عدالت میں پیشی کے موقعے پر آریان کے وکیل کا موقف تھا کہ ان کے موکل کا تعلق ایک معزز گھرانے سے ہے اور ساتھ ہی میں انکی اس معاشرے میں جڑیں اسلئے وہ فرار نہیں ہونگے۔

اس موقعے پر انکے وکیل نے دلائل دیتے ہوئے ماضی کے کیسز کا حوالہ بھی دیا۔ سماعت میں انہوں نے بھارتی انسداد منشیات کے ادارے این سی بی کے اس موقف کو بھی چیلنج کیا کہ آریان باہر نکلنے کے شواہد مٹاسکتے ہیں ،

انہوں نے اس حوالے سے مزید موقف اختیار کیا کہ آریان کے پاس سے منیشات ہی برآمد نہیں ہوئی ہے بلکہ ان کو واٹس ایپ چیٹ کی بنیاد پر گرفتار کیا گیا ہے۔

تاہم مجسٹریٹ نے آریان کی ضمانت سے متعلق وکیل کا موقف ماننے سے انکار کرتے ہوئے اسکو مسترد کردیا۔

پس منظر۔ ۔ ۔

بولی وڈ کنگ، شاہ رخ خان کے بڑے بیٹے آریان کو بھارت کے نارکوٹکس کنٹرول بیورونے گرفتار کرلیا ہے۔ ان کو منشیات کیس میں گرفتار کیا گیا ہے۔

ٹائمز آف انڈیا کی رپورٹ کے مطابق این سی بی نے 2 اکتوبر کی رات کو ممبئی کی بندرگاہ پر کروز شپ پر چھاپہ مارا تھا ،کروزشپ پارٹی جاری تھی ۔

اس سے پہلے اے این آئی نے اپنی ٹوئٹ میں پارٹی پر چھاپے کے دوران دس افراد کی گرفتاری کی تصدیق کی تھی۔

Source: hindustan times