ملک میں گیس کے بحران نے ایک بار پھر سر اٹھا لیا، سوئی ناردرن نے سی این جی سیکٹر کو گیس کی سپلائی روک دی۔ تاہم سسٹم میں کتنا شارٹ فال ہے؟

ملک میں گیس کا بحران شدت اختیار کر گیا، ترجمان سوئی نادرن کے مطابق سمندری طوفان کے باعث ایل این جی کے جہاز کی آمد میں تاخیر سے گیس کی کمی پیدا ہوئی۔

شارٹ فال کے باعث لوڈ مینجمنٹ پلان کے تحت گیس تقسیم کی جارہی ہے۔

سوئی سدرن اور سوئی نادرن سسٹم پر 274 ایم ایم سی ایف ڈی گیس کا شارٹ فال موجود ہے۔

سوئی نادرن کے مطابق سی این جی سیکٹر کو 90 ایم ایم سی ایف ڈی گیس روک دی گئی جو آج رات تک بحال کر دی جائے گی۔ صنعتی صارفین کو بھی گیس کی غیر اعلانیہ بندش کا سامنا ہے جبکہ گھریلوصارفین کو بلا تعطل گیس فراہم کی جا رہی ہے۔