Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

اسلام آباد: قومی سلامتی کی پارلیمانی کمیٹی کا اجلاس ہوا، جس میں افغانستان اور ملکی داخلی صورتحال پر تبادلہ خیال کیا گیا جبکہ عسکری حکام کی جانب سے تحریک لبیک پاکستان معاہدے سمیت معاملات پر بریفنگ دی گئی۔

اسپیکرقومی اسمبلی اسد قیصر کی زیر صدارت قومی سلامتی کی پارلیمانی کمیٹی کا اجلاس ہوا، جس میں وفاقی وزراء، مسلم لیگ ن کے صدر شہبازشریف، چیئرمین پیپلز پارٹی بلاول بھٹو زرداری اور دیگر اراکین نے شرکت کی جبکہ چیئرمین سینیٹ صادق سنجرانی نے خصوصی طور پر شرکت کی۔

اجلاس میں آرمی چیف جنرل قمرجاوید باجوہ اور ڈی جی آئی ایس آئی لیفٹیننٹ جنرل فیض حمید سمیت اعلیٰ عسکری قیادت بھی شریک ہوئی۔

عسکری حکام نے افغانستان کی صورتحال پر بریفنگ دیتے ہوئے کہاکہ پاکستان خطے میں ہونے والی تبدیلیوں پر گہری نظر رکھے ہوئے، دشمن ممالک اس ساری صورتحال کا فائدہ اٹھانے کی کوشش میں ہیں ،بار بارعالمی برادری پر زور دے رہے ہیں کہ وہ افغان حکومت کوتنہا نہ چھوڑے۔

حکام نے کہاکہ ابھی تک کسی بھی ملک نے طالبان حکومت کو تسلیم نہیں کیا، عالمی برادری کے تسلیم کرنے پر ہی پاکستان طالبان حکومت کو تسلیم کرے گا،داعش افغانستان کیلئے آج بھی بڑا خطرہ ہے، جس کے خاتمے کیلئے افغان حکومت سےتعاون جاری ہے۔

اجلاس کے دوسرے سیشن میں وزارت داخلہ اور سیکیورٹی اداروں نے تحریک لبیک معاہدے پر بریفنگ دی۔

اپوزیشن اراکین نے معاہدہ خفیہ رکھنے سے متعلق حکومت کوکڑی تنقید کا نشانہ بنایا۔