Aaj News

جمعرات, مارچ 28, 2024  
17 Ramadan 1445  

سندھ اسمبلی میں نسلہ ٹاور اور تجاوزات سے متعلق حکومتی قرارداد منظور

کراچی : سندھ اسمبلی میں نسلہ ٹاور اور تجاوزات سے متعلق حکومتی...
شائع 16 نومبر 2021 03:00pm

کراچی : سندھ اسمبلی میں نسلہ ٹاور اور تجاوزات سے متعلق حکومتی قرارداد کثرت رائے سے منظور کرلی گئی۔

ڈپٹی اسپیکر ریحانی لغاری کی زیر صدارت سندھ اسمبلی کا گرما گرم اجلاس ہوا،حکومت اور اپوزیشن کے درمیان نوک جھونک ہوئی، اپوزیشن اور حکومتی ارکان ایک دوسرے پر تند و تیز جملے کستے رہے۔

پیپلزپارٹی کی رکن ندا کھوڑو نے نسلہ ٹاور کو گرانے کے خلاف قرارداد پیش کی، جس میں کہا گیا ہے کہ کسی کو چھت سے محروم کرنا مسئلے کا حل نہیں،انسانی بنیادوں پر نسلہ ٹاور گرانے کے فیصلے پر نظرثانی کی جائے۔

اپوزیشن ارکان نے پیپلزپارٹی کی قرارداد مسترد کرتے ہوئے ایوان میں شدید احتجاج کیا اور اسپیکر ڈائس کے سامنے قرارداد کی کاپیاں پھاڑ دیں۔

جی ڈی اے رکن شہریار مہر نےکہاکہ حکومت نے جوائنٹ اپوزیشن کی قرارا داد کو ہائی جیک کیا، قرارداد پر دستخط کرنے والے تمام افراد کو جیل ہونی چاہیئے۔

اپوزیشن کے شور شرابے اور ہنگامی آرائی کے حکومتی قرارداد کثرت رائے سے منظور کرلی گئی۔

ڈپٹی اسپیکر ریحانہ لغاری نے اجلاس جمعہ کی صبح دس بجے تک ملتوی کردیا۔

karachi

Encroachment

Sindh Assembly

Resolution

Nasla Tower

Comments are closed on this story.

تبصرے

تبولا

Taboola ads will show in this div