ای سی پی میں فواد چوہدری نے تحریری معافی نامہ جمع کرادیا
وفاقی وزیر اطلاعات فواد چوہدری نے چیف الیکشن کمشنر پر الزامات کے کیس میں تحریری معافی مانگتے ہوئے اپنا معافی نامہ الیکشن کمیشن میں جمع کرا دیا ہے۔ معافی قبول ہوگی یا نہیں ۔الیکشن کمیشن تین دسمبر کو سماعت کے دوران اپنا فیصلہ سنائے گا۔
الیکشن کمیشن پر سنگین الزامات کے کیسز میں کمیشن کی جانب سے نوٹس پر وفاقی وزیر فواد چوہدری نے معافی مانگتے ہوئے اپنا تحریری معافی نامہ الیکشن کمیشن میں جمع کروا دیا ہے، 16 نومبر کو ہونے والی سماعت کے دوران فواد چوہدری نے الیکشن کمیشن سے معافی مانگی تھی۔
انھوں نے الیکشن کمیشن سے معذرت قبول کرنے کی استدعا کرتے ہوئے کہا تھا کہ وہ وکیل ہیں جواب میں الجھنا نہیں چاہتے ،اسلئے کیس ختم کرنے کی درخواست ہے۔
وزیر اطلاعات کا کہنا تھاکہ بہت سارے بیانات میرے نہیں ہیں، یہ میری نوکری بھی ہے، کسی کو گالی نہیں دی، جس پر الیکشن کمیشن نے تحریری معافی نامہ جمع کرانے کا حکم دیا تھا۔
کیس کی آئندہ سماعت تین دسمبر کو ہوگی،اور پھر الیکشن کمیشن فواد چوہدری کے معافی نامہ پر فیصلہ جاری کریگا۔
Comments are closed on this story.