سابق کپتان ظہیر عباس نے بھی وزیراعظم عمران خان کے محکمانہ اسپورٹس ختم کرنے کی مخالفت کر دی۔

لاہور میں میڈیا سے گفتگو کرتے ہوئے ان کا کہنا تھا کہ عمران خان کو اس فیصلے پر نظرثانی کرنی چاہیے کیونکہ اس سے کھلاڑی بیروزگار ہو رہے ہیں۔

میڈیا سے بات چیت کرتے ہوئے ظہیر عباس نے کہا کہ بابر اعظم قومی ٹیم کی درست قیادت کررہے ہیں۔

ان کا کہنا تھا کہ امید ہے پاکستان بنگلہ دیش سے ٹیسٹ بھی جیت لے گا، بیٹنگ کوچ رکھنے یا نہ رکھنے کا فیصلہ بورڈ نے کرنا ہے۔