پنجاب کے ضلع خوشاب میں ٹرک بے قابو ہو کر کھائی میں جا گرا جس کے نتیجے میں چودہ افراد جاں بحق جبکہ نوافراد زخمی ہوگئے۔

خوشاب کے علاقہ وادی سون میں پنج پیر کے مقام پرٹرک کھائی میں جا گرا،،ہولناک حادثے میں چودہ افراد موقع پر ہی جان کی بازی ہار گئے جبکہ نو افراد شدید زخمی ہوگئے۔

ریسکیو حکام کے مطابق جاں بحق ہونےمیں پانچ خواتین اور متعدد بچے بھی شامل ہیں جبکہ جاں بحق افراد میں طالبہ اور تین پروفیسرز سمیت سات طالبات زخمی بھی ہوئی ہیں ۔ حادثہ کے شکار افراد کا تعلق ایک ہی خاندان سے تھا بدقسمت خاندان بنوں سے وادی سون آرہا تھا ۔

زخمیوں اور لاشوں کو تحصیل ہیڈ کوارٹر اسپتال نوشہرہ وادی سون منتقل کر دیا گیا ہے۔ عینی شاہدین حادثہ تیز رفتاری کے باعث موڑ کاٹتے ہوئے پیش آیا۔

وزیراعلیٰ پنجاب مریم نواز نے خوشاب سون ویلی حادثےپر گہرے رنج اور دکھ کا اظہار کیا کہا کہ مریم نوازشریف نے انتظامیہ کو ہدایت دی کہ حادثے میں زخمی افراد کو بہترین طبی امداد فراہم کی جائے۔