Aaj TV News

BR100 4,687 Decreased By ▼ -28 (-0.59%)
BR30 18,641 Decreased By ▼ -617 (-3.2%)
KSE100 45,612 Decreased By ▼ -151 (-0.33%)
KSE30 17,942 Decreased By ▼ -56 (-0.31%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

اسلام آباد:الیکشن کمیشن میں نااہلی کیس سے متعلق سابق وزیراعظم یوسف رضا گیلانی اوران کے بیٹے علی حیدر گیلانی نےالیکشن کمیشن کا دائرہ اختیار چیلنج کرتے ہوئے کیس خارج کرنے کی درخواستیں دائر کردیں۔

سماعت کے دوران ممبرالیکشن کمیشن سندھ نثاردرانی نے ریمارکس دیئے کہ متفرق درخواستیں آتی رہیں تو کیس کبھی ختم نہیں ہوگا۔

علی حیدر گیلانی کےوکیل نےمؤقف اختیارکیا کہ پہلے دائرہ اختیارپرفیصلہ کرنا ہوگا پھرمرکزی کیس پرکاروائی ہو سکتی ہے۔

درخواست گزار کے وکیل نے کہا کہ عالیہ حمزہ کی درخواستوں میں تاحال جواب جمع نہیں کرایا گیا،جس پر ممبر سندھ نثار درانی نے ریمارکس دیئے کہ کیس آپ خود نہیں چلاتے اور الزام الیکشن کمیشن پر لگتا ہے کہ فیصلہ نہیں ہو رہا۔

ممبر بلوچستان شاہ محمد نے ریمارکس دیئے کہ فریقین اپنے جوابات جمع کرائیں آئندہ سماعت پر حتمی دلائل سنیں گے۔

بعدازاں الیکشن کمیشن نے نااہلی کیس کی مزید سماعت 24 جنوری تک ملتوی کر دی۔