وزیراعلیٰ سندھ مراد علی شاہ سمیت دیگر ملزمان پر فرد جرم کی کارروائی موخر
احتساب عدالت نے جعلی بینک اکاؤنٹس کیس میں وزیراعلی سندھ مراد علی شاہ سمیت دیگر ملزمان پر فرد جرم عائد کرنے کی کارروائی ایک بار پھر موخر کر دی ۔
عدالت نے شریک ملزم محمد علی کو اشتہاری قرار دینے کے بعد جائیداد ضبطگی کی کارروائی شروع کرنے کے لیے نیب سے اثاثوں کی تفصیلات مانگ لیں۔
اسلام آباد کی احتساب عدالت کے جج سید اصغر علی نے نوری آباد پاور پلانٹ کے ٹھیکے میں بے ضابطگیوں اور منی لانڈرنگ کے جعلی بینک اکاؤنٹس کیس کی سماعت کی ۔
سماعت میں وزیراعلی سندھ مراد علی شاہ اور دیگر ملزمان عدالت میں پیش ہوئے۔ سماعت میں عدالت کو بتایا گیا کہ شریک ملزم آغا واصف کے کیس میں ریکارڈ اسلام آباد ہائیکورٹ نے طلب کیا تھا جو واپس نہیں آیا۔
عدالت نے کیس کا ریکارڈ اسلام آباد ہائیکورٹ میں ہونے کے باعث سماعت 11 جنوری تک ملتوی کر دی ۔
دوران سماعت نیب نے شریک ملزم محمد علی کو اشتہاری قرار دینے کے بعد جائیداد ضبطگی کی کارروائی شروع کرنے کی استدعا کی جس پر عدالت نے نیب کو ملزم محمد علی کے اثاثوں کی تفصیلات فراہم کرنے کی ہدائت کر دی۔
کراچی میں ٹریفک پلان تبدیل، مزید سڑکیں بند
چیئرمین ایف بی آر کا کام صرف کرپٹ افسران کا تحفظ کرنا رہ گیا ہے؟ چیف جسٹس
وزیر اعظم کا ایکشن، چیف کمشنر ان لینڈ ریونیو اسلام آباد، متعلقہ افسران معطل، انکوائری کا حکم
ایرانی صدر ابراہیم رئیسی لاہور پہنچ گئے، مزار اقبال پر حاضری
سرحد پر کوآرڈینیشن بڑھانے کی ضرورت ہے تاکہ دہشت گرد امن کو سبوتاژ نہ کر سکیں، آرمی چیف کی ایرانی صدر سے ملاقات
Comments are closed on this story.