اسلام آباد انٹر نیشنل ایئرپورٹ پر غیر معمولی رش اوربدنظمی کی وجہ سے برطانیہ سمیت دیگرممالک جانیوالے افراد کو مشکلات کا سامنا ہے اور کئی مسافروں کی پروازچھوٹ گئی۔

مسافروں کے دیرسے چیک ان کاونٹر پر پہنچنے کے باعث انھیں بورڈنگ پاس کا بھی اجراء نہیں کیا گیا ۔

رش ہونے کے باعث بیشتر مسافروں کی پروازیں مس ہوگئیں جس پرمسافروں نے شور شرابہ اوراحتجاج شروع کیا۔

ذرائع کے مطابق زیادہ مسافروں نے برطانیہ جانا تھا اسلام آباد ایئرپورٹ کے منیجر عدنان خان کا کہنا ہے موسم کی خرابی کی وجہ سے زیادہ تر پروازیں اسلام آباد ایئرپورٹ پر لینڈ کررہی ہیں جس کی وجہ سےایئرپورٹ پر مسافروں کا اچانک سے رش بن گیا ہے خلیجی ممالک جانیوالے مسافروں کے ریپڈ ٹیسٹ ہونے کی وجہ سے بھی ایئرپورٹ پر رش ہورہی ہے۔

ذرائع کے مطابق مسافروں کے چیک ان کے عمل کو تیز کرنے کے لیے احکامات جاری کردیئے ہیں تاکہ مسافروں کو مشکلات کا سامنا نہ کرنا پڑے ۔