لاہور: پاکستان سپر لیگ (پی ایس ایل) کی فرنچائز لاہور قلندرز کے اوپنر فخر زمان نے ایک اور اعزاز اپنے نام کرلیا۔

پی ایس ایل کے ایک ایڈیشن میں فخر زمان نے لاہور قلندرز کے سب سے زیادہ رنز بنانے والے بیٹر بن گئے ہیں۔

لاہور قلندرز کے لیف ہینڈ بیٹر نے پی ایس ایل 7 میں اب تک 5 میچز کھیلے ہیں اور 71 رنز کی اوسط سے 356 رنز بنالئے ہیں۔

فخر زمان نے اس ایڈیشن میں ایک سنچری بھی اسکور کی ہے، اس سے قبل قلندرز کی طرف سے پہلے پی ایس ایل میں عمر اکمل نے سب سے زیادہ 335 رنز بنائے تھے۔

واضح رہے کہ فخر زمان نے پیر کے روز کوئٹہ گلیڈی ایٹرز کیخلاف 45 گیندوں پر 70 رنز کی شاندار اننگز کھیلی۔