لاہور: پنجاب میں شدید دھند کےباعث مو ٹر وے کو مختلف مقامات پر ٹریفک کیلئے بند کردیا گیا۔

دھند کے باعث موٹروے ایم 2 ٹھوکرنیاز بیگ سے پنڈی بھٹیاں تک جبکہ موٹروے ایم 3 لاہور سے جڑانوالہ تک بند کردی گئی ۔

اس کے علاوہ موٹروے ایم 11 محمود بوٹی سے سمبڑیال تک دھند کی وجہ سے بند کر دی گئی۔

ترجمان موٹر وے کا کہنا ہے کہ ڈرائیور حضرات گاڑیوں پر فوگ لائٹس استعمال کریں، رفتار کم اور اگلی گاڑی سے فاصلہ زیادہ رکھیں جبکہ کسی مشکل کی صورت میں ہیلپ لائن 130 پر رابطہ کریں۔