Aaj News

اتوار, جولائ 14, 2024  
07 Muharram 1446  

پیپلز پارٹی کی تحریک نے حکومت کو تیل کی قیمتیں کم کرنے پر مجبور کیا: مرتضیٰ وہاب

کراچی: کراچی کے ایڈمنسٹریٹر اور سندھ حکومت کے ترجمان مرتضیٰ ...
شائع 01 مارچ 2022 04:29pm
Photo: FILE
Photo: FILE

کراچی: کراچی کے ایڈمنسٹریٹر اور سندھ حکومت کے ترجمان مرتضیٰ وہاب نے کہا ہے کہ عوامی مارچ نے حکومت کو تیل کی قیمتیں کم کرنے پر مجبور کردیا۔

انہوں نے کہا کہ پیپلز پارٹی کے چیئرمین بلاول بھٹو زرداری کے مارچ کے آغاز کے بعد اچھی خبریں آنا شروع ہو گئی ہیں۔

مرتضیٰ وہاب نے کہا کہ پیپلز پارٹی کے لانگ مارچ کی وجہ سے پٹرول سستا ہوا ہے۔

اپنے بیان میں انہوں نے کہا کہ لوگوں نے انہیں کم قیمت پر پیٹرول بیچنے پر مجبور کیا۔

انہوں نے کہا کہ پاکستان تحریک انصاف (پی ٹی آئی) کے موقف میں تبدیلی کے ساتھ ہی عوامی طاقت کے اثرات ظاہر ہونے لگے ہیں۔

لانگ مارچ کے حوالے سے بات کرتے ہوئے انہوں نے کہا کہ احتجاجی مارچ مورو سے خیرپور سے نکل کر آج سکھر پہنچے گا اور بلاول بھٹو زرداری سکھر میں عوام سے خطاب کریں گے۔

یاد رہے کہ 28 فروری کو وزیراعظم عمران خان نے قوم سے خطاب میں پیٹرول کی قیمت میں 10 روپے فی لیٹر اور بجلی کی قیمت میں 5 روپے فی یونٹ کمی کا اعلان کیا ہے۔

دوسری جانب حکومت کی جانب سے پیٹرول اور بجلی کی قیمتوں میں کمی کے ردعمل میں پاکستان مسلم لیگ (ن) کے رہنمااور سابق وزیر خزانہ مفتاح اسماعیل نے حکومت پر تنقید کرتے ہوئے کہا کہ پہلے قیمتوں میں تیزی سے اضافہ اور پھر ان میں سے کچھ کو کم کرکے قوم کے جذبات سے کھلواڑ کیا گیا ہے۔

PPP

Murtaza Wahab

sindh govt

oil