لاہور سمیت پنجاب بھر میں گرمی کی شدت بڑھتی جا رہی ہے، درجہ حرارت 40ڈگری سینٹی گریڈ سے بھی بڑھنا شروع ہوگیا جبکہ محکمہ موسمیات نے آئندہ چوبیس گھنٹوں میں بارش کی نوید سنا دی۔

اپریل کے مہینے میں گرمی میں بھی تیزی آگئی،درجہ حرارت کبھی 40تو کبھی 42ڈگری سینٹی گریڈ پر پہنچ رہا ہے۔

ماہ رمضان کے دوران گرمی میں روزہ داروں کیلئے باہر نکلنا محال ہوگیا، سب بارش کیلئے دعاگو ہیں۔

محکمہ موسمیات کے ریجنل ہیڈ محمد اسلم کہتے ہیں کہ چند روز موسم کافی گرم رہا، آئندہ 24گھنٹوں میں بارش کا امکان ہے جس سے درجہ حرارت کم ہوجائے گا۔

لاہور میں آج درجہ حرارت 40ڈگری جبکہ ملتان میں 44ڈگری تک پہنچنے کا امکان ہے۔