Aaj.tv Logo

ملتان: ویسٹ انڈیز کیخلاف سیریز میں کلین سوئپ کے بعد پاکستان کی ون ڈے رینکنگ میں بہتری آ گئی ہے، پاکستان کرکٹ ٹیم آئی سی سی ون ڈے رینکنگ میں بھارت کی جگہ چوتھے نمبرپرآگئی۔

آئی سی سی کی جانب سے تازہ ترین ون ڈے رینکنگ جاری کی گئی ہے جس میں پاکستانی ٹیم 106 پوائنٹس کے ساتھ چوتھے نمبر پر آگئی جبکہ بھارتی ٹیم ایک درجے تنزلی کے بعد پانچویں نمبرپرچلی گئی۔

ون ڈے رینکنگ میں نیوزی لینڈ کی ٹیم بدستور پہلی پوزیشن پربراجمان ہے، ورلڈ چیمپئن انگلینڈ کا دوسرا اورآسٹریلیا کا تیسرا نمبر ہے۔