Aaj.tv Logo

عمران ریاض نے خارجہ پالیسی اور اداروں کیخلاف بات کی: ملک احمد خان

06 جولائ 2022
<p>ملک احمد خان پریس کانفرنس کر رہے ہیں: اسکرین گریب: آج نیوز یوٹیوب</p>

ملک احمد خان پریس کانفرنس کر رہے ہیں: اسکرین گریب: آج نیوز یوٹیوب

لاہور: مسلم لیگ ن کے رہنما ملک احمد خان نے کہا ہے کہ آزادی رائے ہرشہری کا حق ہے لیکن اس کی حد ہوتی ہے، آرٹیکل 19 آزادی رائے کا حق دیتا ہے۔

لاہورمیں پریس کانفرنس کرتے ہوئے ملک احمد خان نے کہا کہ عمران ریاض نے خارجہ پالیسی اور اداروں کیخلاف بات کی، عمران ریاض اٹک کی حدود سے گرفتار ہوئے۔

انہوں نے کہا کہ کوئی بھی شخص آئین اورقانون سے بالاترنہیں، صحافی عمران ریاض کیخلاف متعدد مقدمات درج ہیں۔

ملک احمد خان نے کہا کہ پی ٹی آئی کوالیکشن میں شکست نظرآرہی ہے، پی ٹی آئی کے پاس الیکشن پر اثر انداز ہونے کے ثبوت ہیں توسامنے لائے۔

ان کا کہنا تھا کہ پورا پاکستان افواج اور حکومت کے ساتھ ہے، عالمی مارکیٹ میں پٹرول مہنگا ہے۔