Aaj News

جھوٹا اغوا، والدین کو بلیک میل کرنے والے بچے کا ڈراپ سین

لاہور کے علاقے بادامی باغ میں پانچ لاکھ روپے تاوان کیلئے بچے کے اغوا کا ڈراپ سین ہوگیا۔
شائع 07 اگست 2022 08:33pm
<p>فائل فوٹو</p>

فائل فوٹو

لاہور پولیس نے اغوا کا جھوٹا ڈرامہ رچا کر والدین کو بلیک میل کرنے والے 14 سالہ لڑکے کو تلاش کرلیا۔

پولیس نے بچے کو والدین کے حوالے کرتے ہوئے مزید تفتیش شروع کردی ہے۔

لاہور کے علاقے بادامی باغ میں پانچ لاکھ روپے تاوان کیلئے بچے کے اغوا کا ڈراپ سین ہوگیا۔

پولیس کے مطابق 14 سالہ خبیب 5 اگست کو والدین کی ڈانٹ ڈپٹ سے گھر چھوڑ کر چلا گیا۔

انوسٹی گیشن پولیس نے کارروائی کرتے ہوئے لکشمی چوک کے قریب سے دوست کے اسنوکر کلب سے بچے کو برآمد کرلیا۔

پولیس ذرائع کے مطابق خبیب نے موبائل کال پر لڑکیوں کی آواز نکال کر اپنے والدین کو پانچ لاکھ روپے تاوان کا مطالبہ کیا تھا۔ جس پر والد کی مدعیت میں اغوا کا مقدمہ بھی تھانہ بادامی باغ میں درج کر دیا گیا تھا۔

پولیس کا کہنا ہے کہ بچے کو والدین کے حوالے کردیا گیا ہے تاہم واقعے کے حوالے سے مزید تفتیش کی جارہی ہے۔

lahore

Child Kidnap

Comments are closed on this story.