روسی صدرولادیمیر پیوٹن نے پاکستان کی ڈائمنڈ جوبلی مکمل ہونے پرحکومت اورعوام کو بھرپور مبارکباد دی ہے۔

صدرعارف علوی اور وزیراعظم شہبازشریف کے نام لکھے گئے خط میں صدرپیوٹن نے کہا کہ پاک روس مضبوط تعلقات علاقائی سلامتی واستحکام کے لئے اہم ہیں۔

آج ملک بھر میں 75واں یوم آزادی جوش و جذبے سے منایا جا رہا ہے، جبکہ وفاقی دارالحکومت میں 31 اور صوبائی دارالحکومتوں میں 21،21 توپوں کی سلامی دی گئی۔

اس کے علاوہ کراچی میں مزارقائد پر گارڈز کی تبدیلی کی پروقار تقریب ہوئی، جس میں پاکستان نیول اکیڈمی کے کیڈٹس نے اعزازی گارڈ کے فرائض سنبھال لیے۔