سندھ میں گذشتہ چند دنوں سے جاری موسلادھار بارشوں کے دوران مختلف حادثات میں 60 افراد جاں بحق اور 100 سے زائد زخمی ہوگئے۔

آج نیوز کے مطابق ضلع خیرپور میں بارشوں سے سب سے زیادہ نقصانات ہوئے، جہاں مختلف حادثات میں 50 سے زائد افراد جاں بحق اور سو سے زائد زخمی ہوگئے ہیں۔

جبکہ ٹنڈوالہ یار میں بھی بارشوں کے باعث دو بچوں سمیت 5 افراد جاں بحق اوردرجنوں زخمی ہوئے ہیں۔

کندھ کوٹ میں بھی مسلسل بارشوں سے چھتیں گرنے کے واقعات میں نو افراد زخمی ہوگئے۔

لاڑکانہ میں بارش کے باعث چھت گرنے سے ماں دو بیٹوں سمیت جاں بحق ہوگئی جبکہ مجموعی طور پر ضلع میں تین روز میں بچوں سمیت پانچ افراد جاں بحق ہوئے۔