Aaj News

پرویز الہیٰ کی لندن سے واپسی، وزیرِ داخلہ پنجاب ہاشم ڈوگر مستعفی

میں نے ذاتی وجوہات کی بنا پر عہدے سے استعفا دیا، ہاشم ڈوگر
اپ ڈیٹ 11 اکتوبر 2022 09:08pm
<p>تصویر بزریعہ اے پی پی</p>

تصویر بزریعہ اے پی پی

وزیرِ داخلہ پنجاب ہاشم ڈوگر نے اپنے عہدے سے استعفا دے دیا۔

ہاشم ڈوگر کا کہنا ہے کہ آج میں نے ذاتی وجوہات کی بنا پر عہدے سے استعفا دے دیا، تاہم پی ٹی آئی کے ادنیٰ کارکن کے طور پر کام کرتا رہوں گا۔

وزیرِ اعلیٰ پنجاب کے نام لکھے گئے استعفے میں ہاشم ڈوگر نے لکھا کہ صحت کے مسائل اور ذاتی مصروفیات کی وجہ سے وہ مزید عہدے پر برقرار نہیں رہ سکتے۔

چند روز قبل وزیر داخلہ نے اپنے ایک انٹرویو میں کہا تھا کہ لانگ مارچ ہوا تو پنجاب حکومت لانگ مارچ کے شرکاء کو کوئی سہولت فراہم نہیں کرے گی، تاہم شرکاء کو سیکیورٹی ضرور فراہم کی جائے گی۔

جس کے بعد سوشل میڈیا پر پی ٹی آئی کے کارکنوں نے ہاشم ڈوگر کو شدید تنقید کا نشانہ بنایا تھا۔

ہاشم ڈوگر کا استعفیٰ ایک ایسے موقع پر سامنے آیا ہے کہ جب وزیراعلیٰ پنجاب پرویز الہیٰ منگل کو لندن سے پاکستان واپس پہنچے ہیں۔

لندن میں حالیہ دنوں پی ٹی آئی کے منحرف اراکین علیم خان اور عون چوہدری نے مسلم لیگ (ن) کے قائد نواز شریف سے ملاقاتیں کی ہیں۔

resignation

Hashim Dogar

politics Oct 12 22

Comments are closed on this story.

مقبول ترین