Aaj News

جمعرات, مارچ 28, 2024  
17 Ramadan 1445  

سینیٹ اجلاس، اعظم سواتی کے پروڈکشن آرڈر جاری نہ ہونے کیخلاف احتجاج

حکومت نے چار بل منظور کروالئے۔
شائع 20 اکتوبر 2022 05:13pm
سینیٹ آف پاکستان (فوٹو:اے پی پی)
سینیٹ آف پاکستان (فوٹو:اے پی پی)

چیئرمین صادق سنجرانی کی زیر صدارت سینیٹ کا اجلاس ہوا۔

اجلاس میں پاکستان تحریک انصاف (پی ٹی آئی) سینیٹرز نے سیاہ پٹیاں باندھ کر ایوان میں شرکت کی۔

پاکستان تحریک انصاف (پی ٹی آئی) کے اراکین نے اعظم سواتی کے پروڈکشن آرڈر جاری نہ ہونے کیخلاف سینیٹ میں شدید احتجاج اور نعرے بازی کرتے ہوئے چئیر مین ڈائس کا گھیراؤ کیا اور ایجنڈے کی کاپیاں پھاڑ دیں۔

دوسری جانب اپوزیشن کے شدید شور شرابے کے باوجود حکومت کی جانب سے مجموعہ فوجداری قوانین ترمیمی بل 2021، زیر حراست موت وسزا ترمیمی بل 2022، اینٹی ڈمپنگ ڈیوٹیز ترمیمی بل 2022اور انٹر گورنمنٹ کمرشل ٹرانزیکشن ترمیمی بل 2022 منظور کروا لئے گئے۔

اس دوران اپوزیشن کا احتجاج جاری رہا تو چئیرمن سینٹ نے اجلاس جمعہ کی صبح تک ملتوی کر دیا۔

واضح رہے کہ سینیٹ کے مسلسل تیسرے اجلاس میں اپوزیشن کے احتجاج کے باعث ایوان کی کارروائی مکمل نہ ہو سکی۔

senate

Azam Khan Swati

pti senators

politics Oct 20

Comments are closed on this story.

تبصرے

تبولا

Taboola ads will show in this div